Exodo 2:15 - Tagbanwa

¹⁵ Pagkabaritaꞌ it adiꞌ ngayti, ireg ya nga ipaꞌimatay si Moises, temed nakapalagyu kanya. Nakaꞌbut i palagyu ya duꞌun it banwa nga pagpangaranat Madian. Pagꞌabut ya duꞌun, miyadung kanya duꞌut tepad it esang tabud.

Exodo 2:15 Iomraidhean Croise

Genesis 24:11

Pagꞌabut it sarig-sarigan ngayti duꞌun it Haran, piyalingkuꞌud ya nay mga kamelyo duꞌut tepad it tabud nga duꞌut liꞌwan it lansangan. Magkaꞌrutan ya nga kada apun, in ababaꞌ nay aldaw magsigꞌabut nay mga babay nga magpanaꞌgeb.

Genesis 29:2

Pagpaneyek-seyek ya, may naltegan ya nga esang tabud duꞌut iting rugar. May tulung paenan nga tupa nga mamagpaꞌna duꞌun ka duꞌun kayti i papaꞌimnan it kanira. Dakulang batu i maglelpen duꞌut baꞌbaꞌ it tabud ngayti.

Exodo 18:4

Si Eliezer i ngaran it ariꞌ, ka maat siꞌ ni Moises, “Pagtabangen aku nga banar it Ampuꞌang Diyus it giyaringan ku. Ipiyagribri ya aku kat tarep basiꞌ it adiꞌ it Egipto.”

Mateo 10:23

Ta in pakuriꞌan kamu duꞌun it esa nga lansangan, malagyu kamu duꞌun it sunud ya. Sabap matuud talagay iꞌaat ku ngaytut imyu, nga ega paꞌ natiwas mi i buwat mi nga magpangadal duꞌun it kada lansangan it mga Judio, mabut aku na nga Taga Langit nga Ipiyanganak it Taw.

Juan 4:6

Duꞌun kayti may tabud naga ni Jacob ngayti. Ta it nalpuꞌan na si Jesus it panaw, miyadung kanya duꞌun it tepad it tabud ngayti, beken it ababaꞌ nay aldaw.

Mga Binwat 7:29

Pagkagneg ni Moises it iting inampang, miyalagyu kanya nga lagi. Naꞌaduꞌun kanyat alaid nga banwa nga pagpangaranat Madian. Duꞌun nay piyangasawaan ya. Manganak sira, lalaki nga duwa.

Hebreo 11:27

Sabap gasiꞌ it kadakulat pamayaꞌ baw pagsarig ya it Ampuꞌang Diyus, liminꞌid kanya duꞌut Egipto it ega pagꞌiꞌlaman yay iseg it adiꞌ. Ega talaga limnubay i pamayaꞌ baw pagsarig ya ngayti ka, kat nakem ya, subung talagat pagleltegan yang pirmi i Ampuꞌang Diyus, maski ega magkaltegan.