Exodo 19:9 - Tagbanwa

⁹ Maat siꞌ it AMPUꞌANG DIYUS it ki Moises, “Pakikita aku siꞌ it imu kat maꞌpal nga kunum isaꞌun magnegan it mga taw nga pagpakisugidan ku ikaw, isaꞌun teꞌteꞌ nga mamayaꞌ sira it imu.” Bawnga nakasugid na ni Moises duꞌut AMPUꞌANG DIYUS i inaat ngayti it mga taw.

Exodo 19:9 Iomraidhean Croise

Exodo 14:31

Ta, sabap it namuyaan it mga Israelita ngayti nga keseg it guna it AMPUꞌANG DIYUS kat pandaꞌeg ya ngayti it mga taga Egipto, paggalangen na niray AMPUꞌANG DIYUS it may iꞌlam. Baw may pamayaꞌ baw pagsarig nira nat kanya, pati manigsirbi ya ngayti nga si Moises.

Exodo 19:16

Pagꞌikatlung eyag, magpanduldug nay duꞌut bukid ngayti baw magꞌaluꞌalug sabaten nay kilat. Bukid ngayti, pagbubuꞌtungan na it maꞌpal na nga kunum. Ega naꞌlay nagnegan niray tingeg it taburi nga piyadayuyung it diyadakulaꞌ. Muꞌsat mga taw ngayti, namagyegyeg nat iꞌlam.

Exodo 20:21

Temed magꞌaliꞌ paꞌ i mga taw ngayti, duꞌun na lamang sira it ala-alaid ngayti. Si Moises na lamang ngayti i nagpatpad duꞌut kunum ngayti nga maꞌpal nga duꞌun i Ampuꞌang Diyus.

Exodo 34:5

Limnampud i AMPUꞌANG DIYUS kat seled siꞌ it kunum, duꞌun it siyagpawan it bukid ngayti, baw miyuwistuꞌ duꞌut umid ni Moises. Bawnga gintaꞌ yay ngaran ya nga AMPUꞌANG DIYUS.

Exodo 4:31

Egay beken namayaꞌ i muꞌsa ngayting mga Israelita. Bawnga iyan naꞌrutan nira nga siyanguꞌan na sira it AMPUꞌANG DIYUS, baw ega ngayti magkataguꞌ it kanya i muꞌsang pagbuwaten it mga taga Egipto nga pakuriꞌ it kanira, binwat nira, namagpanluud ka namagsamba sira it AMPUꞌANG DIYUS.

Exodo 4:5

“Atkayan na i buwaten mu isaꞌun mamayaꞌ sira nga nagpakikita aku it imu, aku nga Ampuꞌang Diyus it mga kagiyaringanan mi, nga si Abraham, si Isaac baw si Jacob,” maat siꞌ it AMPUꞌANG DIYUS ngayti.

Mateo 17:5

Magꞌampang paꞌ si Pedro ngayti, inlungan sira it esang magsilaw na nga kunum. Duꞌun it kunum ngayti i sinraꞌan it ampang nga magꞌaat, “Itu i pagmaꞌa-maꞌalen ku nga Anak, nga talagang kasasagyaan ku. Pagnegan mi kanya it magayen.”

Marcos 9:7

Ta sakaling inlungan sirat esang kunum, baw may gaꞌmaran nga duꞌun nat kunum ngayti i sinraꞌan, nga magꞌaat, “Itu i pagmaꞌa-maꞌalen ku nga Anak. Pagnegan mi kanya it magayen.”

Lucas 10:16

Maat pay paꞌugdun ni Jesus duꞌun it mga alagad ya, “Iyan magpagneg it imyu, aku yan i pagpagnegan nira. Iyan gasiꞌ magpandaꞌga it imyu, magpandaꞌga gasiꞌ yan it aken. Baw iyan magpandaꞌga it aken, magpandaꞌga gasiꞌ yan it Amaꞌ ku nga nagtaꞌeg it aken.”

Mga Ipiyalteg 1:7

Dedemdemen mi tu, mabut kanya nga subuk mangindelangan it kunum. Talagang maltegan tu it muꞌsang katataawan, pati mga nagꞌimatay it kanya. Ta sabap it kanya ngaytu, sumgaw i muꞌsang bangsat taw situt sinirungat langit, ka matantuwan na niray panriga. Talagang matkaytuytu nga matuud.