Exodo 19:4 - Tagbanwa

⁴ Aaten mu nga, ‘Maat it AMPUꞌANG DIYUS, talagang nagpasar kat mata mi i binwat ku kat mga taga Egipto. Tiyaban ku kamu situ, nga panaban ku ngaytut imyu, subung it pagtarima it agila it uꞌuybun ya nga kinter, nga pagpasakayen duꞌun it sagpaw it buktut ya.

Exodo 19:4 Iomraidhean Croise

Isaias 40:31

Temed iyan nga magꞌuꞌunay i pagsarig baw pamayaꞌ nira it AMPUꞌANG DIYUS, talagang pirmi sira nga pagbastantiyen it kakayaan. Kat kadakulat kakayaan nira ngaytu, subung sirat kalayug duꞌun it dibwat nga banar, nga subung it agila nga egay kalpuꞌan yat kerab-kerab. Malagyu sira nga malagyu temed ega epaꞌan. Mapanaw sira nga mapanaw, subung naga, ega naga malpuꞌan sira.

Josue 23:3

Talagang nagpasar kat mata mi i muꞌsang ipiyaꞌabut it AMPUꞌANG DIYUS mi kat muꞌsang mga datiyan nga bangsa situ. Ka daꞌga baꞌ, AMPUꞌANG DIYUS mi ngaytu, kanya i timnabang it imyu it magpakibunuꞌ isaꞌun mandaꞌeg kamu?

Mga Ipiyalteg 12:14

Temed sakaling inildawan it Ampuꞌang Diyus i babay ngayti nga piyaꞌeladan ya it subuk elad it dakulang agila, isaꞌun makalayug nga paꞌaduꞌun it rugar nga kapupuyangtan. Duꞌun i taguꞌan it kanya isaꞌun maribri kanya duꞌun it dragon ngayti. Baw duꞌun kayti, arigraen kanyat magayen it Ampuꞌang Diyus seledat tulung taꞌun baw tengaꞌ.