Exodo 19:18 - Tagbanwa

¹⁸ Talagang Bukid ngaytit Sinai, pagbubuꞌtungan nat tabuk ka limnampud nay AMPUꞌANG DIYUS duꞌun, nagpasbung kanya it apuy. Timnindeg nay tabuk nga subung nat tabuk it piyakadakulang duruk, baw bukid ngayti, magyegyeg nat atnang keseg.

Exodo 19:18 Iomraidhean Croise

Genesis 11:5

Temed nanlampud i AMPUꞌANG DIYUS nga subuk nanleteg it lansangan baw pagpaꞌabwatayen ngayting balay nga pagbuwaten nira.

Genesis 15:17

Iyan nakasdep nay aldaw baw nagꞌalisakep nay delem, magleteg si Abram it esang pugun nga matabuk baw magdeleg. Pugun ngaytu, subuk napanaw duꞌut tengaꞌ it mga biyegsang ngayting ramu-ramu.

Genesis 19:28

Pagꞌabut ya duꞌun, liyawag yay Sodoma baw Gomorra. Ipiyabeyeng-beyeng yay mata ya, paꞌari-ari duꞌun it daranasan ngayti, egay magkaltegan ya nga maski unu ka punuꞌ it tabuk, nga atnat magtindeg nga kunum.

Exodo 19:13

Iꞌimatay it kanya, panaꞌ u in daꞌga batu, ka panyaꞌ i may tumapal it kanya. Egaytuy piniliꞌan, taw u ramu-ramu, basta kasalya, ega egnen. Temed basta nagnegan mi na i padayuyung it taburi, magtiꞌmes nay kadakel situt siyangkedan it bukid ngaytu.”

Exodo 19:17

Diyaran na ni Moises i kadakel ngaytit taw it naꞌaduꞌun it tiꞌngir it bukid ngayti ka madap na sira it Ampuꞌang Diyus.

Exodo 20:18

Namagyegyeg it iꞌlam i mga Israelita ngayti, pagkagneg nira it pamsar it duldug ngayti baw tingeg ngaytit taburi, baw pagkalteg it kilat, pati tabuk ngayti duꞌun it bukid. Timnitindeg na lamang sira duꞌut pagtitindegan nira ngayti nga duꞌut ala-alaid.

Exodo 24:17

Kat panleteg it mga taw, subung it magdidigalang nga apuy duꞌut siyagpawan ngayti i magsingkar ngayti nga kabantugan it AMPUꞌANG DIYUS.

Exodo 3:2

Iyan duꞌun na kanya it tiꞌngir ngayti, nagpakikita it kanya i Anghil it AMPUꞌANG DIYUS. Temed yay naltegan ni Moises, subuk deleg it apuy nga duꞌun it tengaꞌ it esang kayu-kayu nga aba-ababaꞌ. Talagang pagletga-letganan ni Moises i magsugu ngayti nga magdiklap-diklap temed ega magkaꞌanteng i kayu-kayu ngayti.

Exodo 34:2

Mangayus-ayus ka na, ka dedelem nga kadedelman, tumungul ka siꞌ duꞌun it Bukid it Sinai ngaytu. Madap ka siꞌ it aken duꞌun it siyagpawan it bukid ngaytu.

Isaias 6:4

Kat kadakulaꞌ it panggaꞌmaran nira, namagruyag i mga pakseg it balay ngayti nga papagsambaan, baw napnuꞌ it tabuk i duꞌun it seled ya.

Mateo 24:7

Sabap magira-giraen yan i mga bangsa, mga kaꞌadiꞌan kuntraꞌ it beken nga kaꞌadiꞌan. Gemtem it masaki-sakit na nga mga getem baw yemegyeg i lugtaꞌ kat paꞌari-aring rugar.

2 Tesalonica 1:7

Temed kamu nga pagpakuriꞌan, sang tamiyan nga awaꞌan it Ampuꞌang Diyus it muꞌsang mga kakuriꞌan, asan it ipaꞌuliꞌ ngayan it Ampuꞌan nga si Jesus nga garing duꞌun it langit, sang siraan it mga ega babasta-bastaen nga mga anghil ya.

2 Tesalonica 1:8

Uyut nagat pangabut ya i magdidigalang nga apuy, baw rigaen yat kamatuudan i kumpur ega magkilala it Ampuꞌang Diyus baw ega magpamayaꞌ it Magayen ngaytung Baritaꞌ pasar it Ampuꞌan tami ngaytu nga si Jesus.

Hebreo 12:18

Subung nagat inaat ku, paꞌalaidan mi na i muꞌsang kasalaꞌan sabap, aten ngaytung dalan nga ipagkaꞌadap tami duꞌun it Ampuꞌang Diyus, ega subuk dalan it mga Israelita it tagnaꞌ, nga may magkaltegan it mata baw magkagnegan it talinga nira. Ka iyan duꞌun sirat Bukid it Sinai may magdidigalang nga sugut apuy, ereꞌeret nga kadleman, baw sebeg it deres nga atnat bagyu.

Hebreo 12:26

Iyan miyampang i Ampuꞌang Diyus duꞌut Bukid it Sinai ngayti, yimnegyeg i lugtaꞌ it keseg it gaꞌmaran ya. Temed kayti ipagpamatuud ya nga mabut i aldaw nga payegyegen ya siꞌ i ega lamang desang lugtaꞌ, in daꞌga pati langit gasiꞌ, subung nagat inaat ya it tagnaꞌ.

2 Pedro 3:10

Temed ta, maski atkayan i ireg ya, mabut talagay aldaw nga tumanen yay sanggup ya ngaytung ranggaꞌen ya nay banwa. Kaꞌalimbawaan it pamaꞌuliꞌ ngaytut Ampuꞌan, subung it mananakaw nga ega magkaꞌrutan i ipanakaw ya. Temed kat iyan na nga aldaw, iyan langit, biglaꞌ nga maꞌawaꞌ, dengan it dagurdur. Baw maranggaꞌ nga maꞌanteng it talagang magkaꞌansur i muꞌsang paryaman ya. Atkayan naga i banwa, pati muꞌsang betang ya, maꞌansur gasiꞌ.

Mga Ipiyalteg 15:8

Bawnga napnuꞌ i Templo ngaytit tabuk nga magpalteg it kabantugan baw guna it Ampuꞌang Diyus. Aypaꞌ ka egay maski siyu nga kasled duꞌut Templo ngayti seked it ega paꞌ naꞌubus i pitu ngayting kasalakepan nga taban it pitu ngayting kaꞌanghilan.

Mga Ipiyalteg 9:2

Bawnga inabriyan it paꞌaaten ngayting bituꞌun i siwang ngayti. Timnindeg i tabuk nga subuk epal it tabuk nga maggaring duꞌun it pira-pirang kaꞌumaan i siyuriban. Aypaꞌ ka diminlem i aldaw baw lawang sabap it tabuk ngayti.