Exodo 19:13 - Tagbanwa

¹³ Iꞌimatay it kanya, panaꞌ u in daꞌga batu, ka panyaꞌ i may tumapal it kanya. Egaytuy piniliꞌan, taw u ramu-ramu, basta kasalya, ega egnen. Temed basta nagnegan mi na i padayuyung it taburi, magtiꞌmes nay kadakel situt siyangkedan it bukid ngaytu.”

Exodo 19:13 Iomraidhean Croise

Exodo 19:14

Nanadsad siꞌ si Moises duꞌut bukid ngayti ka sugidan ya nay kadakel nga magꞌali-alistu sira. Manlimpiyuꞌ it magayen ka madap sira it Ampuꞌang Diyus. Pati pakayan, panalpukan it kadakel.

Exodo 19:16

Pagꞌikatlung eyag, magpanduldug nay duꞌut bukid ngayti baw magꞌaluꞌalug sabaten nay kilat. Bukid ngayti, pagbubuꞌtungan na it maꞌpal na nga kunum. Ega naꞌlay nagnegan niray tingeg it taburi nga piyadayuyung it diyadakulaꞌ. Muꞌsat mga taw ngayti, namagyegyeg nat iꞌlam.

Exodo 19:17

Diyaran na ni Moises i kadakel ngaytit taw it naꞌaduꞌun it tiꞌngir it bukid ngayti ka madap na sira it Ampuꞌang Diyus.

Exodo 19:19

Magdadakulaꞌ-magdadakulaꞌ i tingeg it taburi ngayti. Miyampang si Moises, tiyubag kanya nga lagi it Ampuꞌang Diyus kat pamsar it duldug.

Exodo 34:3

Ayaw ka it pabayaꞌ it maski siyu, baw ayaw it may sumalya mapanaw duꞌut paꞌari-aring rugar kat bukid ngaytu. Maski mga ayep mi, ega pataꞌnan mi nga makapangaꞌen duꞌun it maski siyangkedan ya.”

1 Corinto 15:52

Egaytu magkaꞌlay ka, miyabut nay timpu, mabwat kat sang taꞌlib lamang u sang pamirek, kadengan it tingeg it taburi nga katandaꞌ it miyabut nay umur it banwa. Pagtingeg it taburi ngaytu, iyan mga miyatay na, egnen na it paꞌuliꞌ i bilug nira baw ega na mata-matay paꞌ seked it kaꞌnu-kaꞌnu. Baw iyan ega paꞌ natay kat iting timpu, baꞌguun gasiꞌ i kanira nga bilug. Talagang, kita ngaytu, baꞌguun nga muꞌsa.

1 Tesalonica 4:16

Sabap kat iyan nga aldaw, lumampud i Ampuꞌan nga gumaring duꞌut langit, dengan it magnegan i panggaꞌmaran nga magsekat. Magnegan i panggaꞌmaran it piyakapagbayaꞌen it mga anghil baw tingeg it taburi it Ampuꞌang Diyus. Eeꞌ baꞌ, Ampuꞌan nga si Jesu-Cristo, kanya mismu i lumampud, nga paglampud ya, uꞌnang sekaten ya, mga patay na nga maglalagpit it kanya, ka egnen na i bilug nira.

Hebreo 12:20

Sabap talagang iniꞌlaman nira i pagꞌaaten it magꞌampang ngayti nga magꞌaat, “Maski siyu nga kasalya it temegday situt bukid ngaytu, abir kung ayep, talagang imatayen it pagbuntalan it batu.”