Exodo 19:11 - Tagbanwa

¹¹ Pagꞌikatlung aldaw, kaꞌilangan nga alistu na sira nga muꞌsa, sabap aku nga AMPUꞌANG DIYUS, lumampud aku situt Bukid it Sinai ngaytu kat mata it kadakel.

Exodo 19:11 Iomraidhean Croise

Genesis 11:5

Temed nanlampud i AMPUꞌANG DIYUS nga subuk nanleteg it lansangan baw pagpaꞌabwatayen ngayting balay nga pagbuwaten nira.

Exodo 19:16

Pagꞌikatlung eyag, magpanduldug nay duꞌut bukid ngayti baw magꞌaluꞌalug sabaten nay kilat. Bukid ngayti, pagbubuꞌtungan na it maꞌpal na nga kunum. Ega naꞌlay nagnegan niray tingeg it taburi nga piyadayuyung it diyadakulaꞌ. Muꞌsat mga taw ngayti, namagyegyeg nat iꞌlam.

Exodo 19:18

Talagang Bukid ngaytit Sinai, pagbubuꞌtungan nat tabuk ka limnampud nay AMPUꞌANG DIYUS duꞌun, nagpasbung kanya it apuy. Timnindeg nay tabuk nga subung nat tabuk it piyakadakulang duruk, baw bukid ngayti, magyegyeg nat atnang keseg.

Exodo 24:16

Bawnga nagpasalu duꞌut Bukid ngaytit Sinai i magsingkar nga kabantugan it AMPUꞌANG DIYUS, nga masyadung maꞌyag. Seledat enem nga aldaw pagbubuꞌtungan it kunum i bukid ngayti. Ikapitu na nga aldaw, bawnga tiyaꞌwagan it AMPUꞌANG DIYUS si Moises, nga duꞌun nat kunum ngayti i pagseraꞌan.

Exodo 24:17

Kat panleteg it mga taw, subung it magdidigalang nga apuy duꞌut siyagpawan ngayti i magsingkar ngayti nga kabantugan it AMPUꞌANG DIYUS.

Exodo 3:8

Aypaꞌ nanlampud aku ka iribri ku sira kat alima it mga taga Egipto. Ipaliꞌwan ku sira duꞌun it banwa ngayti bawnga iduꞌlung ku sira duꞌun it banwa nga malayaw baw magayeng lugtaꞌ, baw bastanti i muꞌsang bagay. Ituy banwa it mga Cananeo, Heteo, Amorreo, Perezeo, Heveo baw Jebuseo.

Exodo 34:2

Mangayus-ayus ka na, ka dedelem nga kadedelman, tumungul ka siꞌ duꞌun it Bukid it Sinai ngaytu. Madap ka siꞌ it aken duꞌun it siyagpawan it bukid ngaytu.

Exodo 34:5

Limnampud i AMPUꞌANG DIYUS kat seled siꞌ it kunum, duꞌun it siyagpawan it bukid ngayti, baw miyuwistuꞌ duꞌut umid ni Moises. Bawnga gintaꞌ yay ngaran ya nga AMPUꞌANG DIYUS.

Juan 3:13

Egay magkaꞌrut in magꞌuꞌunu i duꞌut langit sabap egay nakaꞌbut duꞌun nga pakaꞌrut. Temed aku nga Taga Langit nga Ipiyanganak it Taw i magkaꞌrut ka, duꞌun i giyaringan ku.

Juan 6:38

Sabap nanlampud aku nga garing duꞌut langit, ega enged ku, buwaten ku i sadili ku nga kaꞌirgan, in daꞌga iyan kaꞌirgan it nagtaꞌeg it aken.

Josue 3:5

Inaat ni Josue i kadakel ngayti, “Kaꞌilangan ipasiguru mi nay sadili mi duꞌun it AMPUꞌANG DIYUS, sabap dedelem muwat kanya it kalililuꞌang bagay nga maltegan mi yan nga kadakel.”