Exodo 18:9 - Tagbanwa

⁹ Nasagyaan ni Jetro i mga kagayenan ngayti nga binwat it AMPUꞌANG DIYUS nga kat ikagayen it mga Israelita baw panribri ya it kanira kat alima it mga taga Egipto.

Exodo 18:9 Iomraidhean Croise

Roma 12:10

Kaꞌilangan magsigraras kamu it esa may esa baw magsiggalang nga subung kamut sang sulsugan, nga raras mi it maꞌiba mi, subraꞌ paꞌ it raras mi it sadili mi.

Roma 12:15

Magayen, in unuy pagsagyaan it sulsug mi kat pamayaꞌ sagyaan mi gasit imyu. In may magkasmekan ya, ipabetang mi nga magkasmekan mi nga muꞌsa.

1 Corinto 12:26

In beteꞌ magkakuriꞌan i esat kanira, ipagpabetang nira nga kakuriꞌan nirang muꞌsa. In pagdayawun i sangbat, masasagya nga muꞌsa.

1 Samuel 15:6

Temed piyapaꞌaduꞌunan daꞌan ni Saul i mga Cineo nga magraragit mga Amalecita duꞌut iting siyudad, ka ipiyaꞌaat ya nga limꞌid siray kanira duꞌun. Inaat sira nga, “Pablag nat mga Amalecita isaꞌun daꞌkamu makaꞌuyut it kanira, sabap piyaltegan mi kami it magayeng adat iyan magpanaw kami paꞌ ngayan nga garing duꞌut Egipto.” Pagkaꞌru-kaꞌrut it mga Cineo ngayti, dimnali-daliꞌ na sirat limꞌid.