Exodo 18:8 - Tagbanwa

⁸ Itiyuturan nga muꞌsa ni Moises i muꞌsang binwat it AMPUꞌANG DIYUS duꞌut adiꞌ it Egipto baw kat mga sinakepan ya nga mga taga Egipto, baw in magꞌuꞌunu ya ipiyagribri i mga Israelita. Itiyuturan ya nga muꞌsa i mga kakuriꞌan nga liyabay nira duꞌut pagpanawan nira baw in magꞌuꞌunu sira tiyabang it AMPUꞌANG DIYUS.

Exodo 18:8 Iomraidhean Croise

Genesis 44:34

Ka talagang daꞌku makaꞌuliꞌ duꞌut ki Amaꞌ in ega magbabayaꞌ naga si Benjamin. Yay matuud, ega masagkaꞌan ku in subraꞌ nang kasmek i mabetangan it amaꞌ namen ngayti!”

Exodo 16:3

Magꞌaat siꞌ nira, “Magayen paꞌ talaga in inimatay kami na lamang it AMPUꞌANG DIYUS duꞌun it Egipto. Ka duꞌun, pagsekdan namen i pagsedaꞌ baw maski unu nga pangaꞌen. Takaꞌ in situt itung rugar nga tiyabanan mi it amen, baraꞌan ya kaytu pamuyangten kami nang muꞌsa!”

Exodo 18:1

Ta si Jetro ngayti nga sasirduti duꞌun it Madian baw punyangan ni Moises, nabaritaꞌan ya i mga binwat ngayti it AMPUꞌANG DIYUS nga tabang ya it ki Moises baw mga taawan ya nga mga Israelita, nga in magꞌuꞌunu ipiyaliꞌwan ya sira duꞌun it Egipto.

Exodo 2:25

Aypaꞌ ka siyarunga ya i kabetangan it mga Israelita ngayti, ka magkasanguꞌan ya sira.

Exodo 7:4

temed talagang ega payan pagneg kanya it imyu. Aypaꞌ ka ipatanud ku talaga it kanira i beꞌgat it alima ku. Talagang ega basta-bastay masalapuꞌ it mga taga Egipto nga panriga ku it kanira, bawnga paliꞌwanen ku na kamu duꞌun, kamu nga mga taawan ku nga mga Israelita.

Exodo 7:5

Talagang makilalaan it mga taga Egipto nga aku i AMPUꞌANG DIYUS in masukdanan na niray beꞌgat it alima ku, baw in nakapaliꞌwan ku na kamu kat banwa nira nga Egipto.”