Exodo 18:7 - Tagbanwa

⁷ Pagkaꞌrut ni Moises, siyusmu ya sira. Nanluud kanya duꞌun it sarungaan it punyangan ya baw namalek paꞌ. Nagkumustaan na sira, bawnga piyabayaꞌ ya na sira duꞌut kanya nga bala-balay.

Exodo 18:7 Iomraidhean Croise

Genesis 14:17

Egay beken, pagkapandaꞌeg na ngayti na Abram it ki Kedorlaomer baw kaꞌibaan ya ngayting mga adiꞌ, namagꞌuliꞌ na sira. Siyusmu si Abram it adiꞌ ngaytit Sodoma. Siyusmuwan it kanya, duꞌun pat Daranasan it Save, nga esa nagang pangaran it iting daranasan, Daranasan it Adiꞌ.

Genesis 18:2

Sakaling may nalawag ya nga tulung kalalakiyan nga mamagtitindeg. Pagkalawag ya, timnindeg kanya baw magpapalagyuy minlep duꞌun. Pagꞌabut ya, nanluud kanya it magtetꞌem i rupa.

Genesis 19:1

Apu-apun nang banar i ipiyagꞌabut duꞌut Sodoma it duwa ngayting taraꞌgen it AMPUꞌANG DIYUS nga mga anghil. Pagꞌabut nira, magꞌaꞌdung si Lot duꞌut puwirtaꞌan it siyudad ngayti. Pagkalteg yat kanira, timnindeg kanyang lagi ka simnusmu baw nanluud.

Genesis 29:13

Pagkagneg ni Laban it tuturan ngayti pasar it ki Jacob, siyusmu ya nga lagi i kamanaken ya ngayti. Siyakem ya bawnga inarkan. Piyabayaꞌ ya na duꞌut balay nira. Iyan natuturan na ni Jacob i muꞌsa,

Genesis 31:28

Ega gasiꞌ binggayan mu akut rugar nga maꞌarkan ku nagay mga anak ku ngaytu baw mga apuꞌ ku parabir sira mapanaw. Talagang dakulang kamaliꞌ i binwat mu ngaytu nga paglapastangan.

Genesis 43:26

Pagꞌabut ni Jose, ibinggay na nira i taban nira ngayti nga tiyaban na nira duꞌut seled it balay. Bawnga nanluud siꞌ sirang muꞌsa duꞌut adapan ya.

Genesis 45:15

Bawnga tiyeptep ni Jose it marek i mga sulsug ya ngayti it magsusgaw. Bawnga nagtuturan-tuturan na sira.

Genesis 46:29

Iyan nakaꞌbut na na Jacob duꞌut Gosen, ipiyaꞌasikasu nga lagi ni Jose i sarakayan ya ka naꞌaduꞌun nat amaꞌ ya ngayti. Pagkaꞌbut ya duꞌun, siyakem ya nga lagi i amaꞌ ya ngayti. Talagang naꞌlay nga singgawan ya kat kadakulat sagya ya.

2 Samuel 11:7

Pagꞌabut ni Urias, iningkut kanya ni David nga magꞌaat, “Kumusta naga si Joab baw kadaklan it mga sundaluꞌ ta? Talaꞌga?” Maat ya pang beken, “Unuy pagbara-baraꞌan it pakibunuꞌ mi duꞌun?”

Exodo 18:6

Pagꞌabut nira duꞌun, piyasugidan ya si Moises nga magꞌaꞌabut sira, sang siraan it asawa ngayti ni Moises baw anak nirang duwa.

Exodo 33:7

Naꞌugaliꞌ na ni Moises nga kada magbalay-balay sirat maꞌla-maꞌlay, pagpakabratan yat esang bala-balay nga magkapuru-purun, nga pagpangaranan yat Balay nga Papagsugi-sugidan. Pagpakabratan ya, duꞌun it ala-alaid nira. Duꞌun na kayti i papaꞌaduꞌunan it maski siyu nga may kuꞌaaten u kuꞌingkutun duꞌun it AMPUꞌANG DIYUS.

Exodo 4:27

Ta inaat it AMPUꞌANG DIYUS si Aaron, “Susmuun mu duꞌun it rugar nga kapupuyangtan si Moises.” Egay beken, siyusmu ni Aaron si Moises duꞌun it bukid ngayti nga ipagpabetang nga bukid it Ampuꞌang Diyus. Pagparag nira, inarkan ya.

Lucas 7:45

Daꞌka gasiꞌ namalek it aken, temed kanya, pagkasled yang lagi, sigi na nga pamalek ya sinit aꞌay ku.

Mga Binwat 20:37

Talagang daꞌsira nakasagkaꞌ, namagkasgaw na sirang muꞌsa. Simnakem sirat ki Pablo ka namagpangarek.

Mga Binwat 28:15

Iyan nabaritaꞌan it mga magpamayaꞌ duꞌun it Roma ngayti nga magꞌaꞌabut kami, ega biyali niray alaid, namagpanusmu sirat amen. May simnusmut amen duꞌun it lansangan it Foro de Appio. Iyan beken, duꞌun it lansangan it Tres Tabernas i kanira manang siyusmuwan. Pagkalteg nga lagi ni Pablo it kanira, nagpasalamat kanya duꞌun it Ampuꞌang Diyus baw kiminseg siꞌ i nakem ya.

1 Samuel 17:18

Itu, sang puluꞌ ngaytung kakisuwan, ibgay mu asat piyakapagbayaꞌen nira. Baꞌnawun muy kabetangan it mga akaꞌ mu, baw ireg ku, maski unu mana nga garing duꞌut kanira, may taban mut mabut, pamatuud nga ega makay kaꞌanuꞌan nira.”

1 Samuel 17:22

Binwat ni David, ipiyagꞌintergaꞌ ya duꞌut magpamaalaꞌ it muꞌsang kagamitan i taban ya ngayti, ka timnundug kanya, ka pakikita it mga akaꞌ ya ngayti.