Exodo 18:3 - Tagbanwa

³ Ngaran it akaꞌ nga anak nira, si Gersom, ka yanayti, maat ni Moises it pagsakit, “Dayuꞌan aku lamang situt itung banwa.”

Exodo 18:3 Iomraidhean Croise

Exodo 2:22

Manganak si Zipora ngayti, lalaki. Pangaranan ni Moises i anak ya ngayti, si Gersom. “Ituy ipangaran ku,” maat ya, “ka dayuꞌan aku lamang situt itung banwa.”

Mga Binwat 7:29

Pagkagneg ni Moises it iting inampang, miyalagyu kanya nga lagi. Naꞌaduꞌun kanyat alaid nga banwa nga pagpangaranat Madian. Duꞌun nay piyangasawaan ya. Manganak sira, lalaki nga duwa.

Hebreo 11:13

Sira ngaytung siyanggupan, seked it aldaw nga natay sira teꞌteꞌ talagay pamayaꞌ nirat inaat it Ampuꞌang Diyus. Ka maski ega nagꞌabut kat timpu nira i mga isiyanggup yat kanira temed atnat magkalawag na nira baw pagpaꞌbutun nira it masagyay nakem. Talagang natantuwan nira nga sira, dumadayuꞌ lamang baw subung lamang sira it magpangintataawan situt banwa.

1 Pedro 2:11

Mga pagmaꞌalen ku, demdemen mi nga bilang mga dumadayuꞌ kamu lamang situt banwa, ka langit i pagpapaꞌbutun mi, nga yanay banwa mi. Aypaꞌ paꞌalaidan mi nay mga maraꞌe-raꞌet nga kaꞌirgan it bilug, ka magꞌindaꞌeg yan it pamayaꞌ mi it Ampuꞌan.