Exodo 18:21 - Tagbanwa

²¹ Temed buwaten mu gasiꞌ, miliꞌ ka it mga taw nga bilang makatimbang it imu, mga magagayeng adat it taw nga may kakayaan, baw paggalangen nira it may iꞌlam i Ampuꞌang Diyus. Kaꞌilangan magkasarigan sira baw ega kaꞌman begayan it pabur. Rumraan mu sira nga manigpamaalaꞌ, nga may magpamaalaꞌ it rinibu, ginatus, taglilimang puluꞌ baw tagasang puluꞌ.

Exodo 18:21 Iomraidhean Croise

Genesis 22:12

Maat i inaat it kanya, “Ega na imatayen muy waꞌwaꞌ ngayan. Ega buwatan mu kanya it maski unu nga pakuriꞌ. Talagang natantuwan ku nga kamatuudan i iꞌlam mu nga paggalang mut aken nga Ampuꞌang Diyus. Sabap maski pagmaꞌa-maꞌalen mu nang anak ka paeꞌesa-esa, temed ega nangbit it nakem mu nga iꞌimet it aken.”

Genesis 42:18

Pagꞌikatlu na, maat ni Jose, “May ipabwat ku it imyu. In masanggupan mi gaytu, egnen kamu naga, ka aku ngaytung taw, may iꞌlam kuytu it Ampuꞌang Diyus.

Genesis 47:6

wayan nay muꞌsang banwa nga Egipto. Ipatakenaꞌ mu sira duꞌun it piyakamagayen nga pagpasturan. Duꞌun nay pataꞌidan mut kanira it Gosen ngayti. Baw in magkaꞌrutan mu nga may siyu it kanira manggid nga talagang magkaꞌrut meper it ayep, sira naga siꞌ i pabaalaꞌen mut aken nga mga ayep.”

1 Mga Adiꞌ 18:12

Ta pagkagaring ku, wayan, tabanen ka siꞌ it Espiritu Santo it AMPUꞌANG DIYUS duꞌut rugar nga ega magkaꞌrutan ku. Daꞌga sikayan basta ega maparagan ya ikaw, siguradung aku nayan i imatayen ya? Sanguꞌan mu naga aku, ka aku ngaytung taw, masiyambaen akuytu it AMPUꞌANG DIYUS garing pat deke-dekeyeꞌ aku paꞌ.

1 Mga Adiꞌ 18:3

Ta it atkayti, ipiyapisiꞌ ni Acab si Abdias nga sarig-sarigan ya kat seled it pamalay-balay ya. (Si Abdias ngayti, talagang masiyambaen kanya it AMPUꞌANG DIYUS.

Esdras 7:25

Baw ikaw, Esdras, kat keseg it kamatuudan nga kasepsep nga ipiyagꞌildaw it imu it Ampuꞌang Diyus mu, patindeg ka it mga manigꞌukuman baw manigpamaalaꞌ it mga kabilug mu duꞌun it sedpan nga ayun it kadanuman it Eufrates, sira nga pagsasakpen it mga urdin it Ampuꞌang Diyus nga pagsirbiyan mu. Baw in siyu-siyuy egay uru-urut pasar it pagpasakep it mga urdin ngaytu, tulduꞌan mu sira.

Exodo 17:9

Aypaꞌ singkat ni Moises si Josue nga bilang pagsarig-sarigan ya. Maat ya, “Miliꞌ ka kat mga kaꞌibaan ta ngaytu nga ibaen mu it pakibunuꞌ it mga Amalecita ngaytu. Aken, dedelem timindeg aku duꞌut sagpaw it mungsuꞌ ngayti it pagseskelen kuy sungkud ku nga ipiyagꞌaat it Ampuꞌang Diyus nga tabanen ku.”

Exodo 18:25

Miniliꞌ na kanya it mga lalaki nga Israelita nga magagayen i adat baw may kakayaan, baw riyumraan ya na nga manigpamaalaꞌ it mga katataawan ngayti. Ta yanayti, may kat rinibu, ginatus, taglilimang puluꞌ baw tagasang puluꞌ.

Lucas 18:2

Maat ya, “Duꞌun it esa nga siyudad, may esang manigꞌukuman nga egay iꞌlam ya it Ampuꞌang Diyus baw ega gasiꞌ maggalang kanya it masigkataw ya.

Lucas 18:4

Kat suliꞌ-suliꞌ ya na ngayti duꞌun, ega pagguman-gumanen it manigꞌukuman ngayti. Temed iyan naꞌlay na, maat ya, ‘Maski na maat egay iꞌlam kut Ampuꞌang Diyus baw egay paggalangen ku nga masigkataw ku,

Mga Binwat 20:33

Yay matuud, ega minirak aku nga kupisiꞌ it bulawan, pirak u pakayan it maski siyut imyu,

Mga Binwat 6:3

Aypaꞌ kayti, magayen miliꞌ kamut pitung kalalakiyan nga ipatindeg namen kat katengdanan ngaytu nga manigpamgay. Kaꞌilangan, iyan i piliꞌen mi, mga taw nga pagkilalaen it kadakel mi nga masunud sirang banar it Espiritu Santo nga magsasarum duꞌun it kanira baw ustuꞌ talagay kasepsep nira.

1 Timoteo 3:3

Baw ega gasiꞌ makuꞌinum it kalalangu, ega maꞌiseg in daꞌga nakman, ega mapiyakibatir baw ega maꞌireg it pagpirak.

1 Samuel 8:3

Temed ta, piyasyangan nira i adat it amaꞌ nira ngayti. Malupig siray kanira, baw magtanggap sirat ipagbegay nga pabur, baw ega kataldengan i ipagpapanaw nirat kanira.