Exodo 17:6 - Tagbanwa

⁶ Elaten ta kamu duꞌun it dakulang batu nga duꞌut Horeb. Pagꞌabut mi, bangkalen mu it sungkud mu i batu ngayan. Tumumbud yan i danum nga maꞌinum mi nga muꞌsa.” Ta, atkayti nga matuud i binwat ni Moises, nga pagleltegan it mga ginuꞌu ngaytit mga Israelita.

Exodo 17:6 Iomraidhean Croise

Exodo 16:10

Egay beken, tiningped ni Aaron i kadakel. Magꞌampang paꞌ kanya, namaglawag sira nga muꞌsa duꞌut rugar ngayti nga kapupuyangtan. Sakaling naltegan nira duꞌut kunum i magsilaw na nga kabantugan it AMPUꞌANG DIYUS.

Mga Bilang 20:8

“Tabanen muy sungkud nga magbebtang situt Tabirnakulu. Pabayaꞌen mi ni Aaron i kapuꞌsaan it mga kaꞌibaan mi ngayan. Paꞌaduꞌun kamu it sarungaan it dakulaꞌ ngayti nga batu. Pagꞌabut mi duꞌun, pakisugidan muy batu ngayan it pagdedngegen it kadakel. May danum yan nga manliꞌwan, danum mi nga muꞌsa baw kat mga ayep mi.”

Juan 4:10

Mampang siꞌ si Jesus, maat yat babay ngayti, “In beteꞌ naꞌrutan mu lamang in magꞌuꞌunuy kadakulat ildaw nga ibgay it Ampuꞌang Diyus, baw in nakilalaan mu na in siyuy magꞌaat ngaytut imu, ‘Paꞌimnun aku,’ ikaw nay mangut situt aken isaꞌun mabgayan ka it egen nga danum nga magkabgay it kaꞌgenan.”

Juan 4:14

Temed iyan minum it danum ngayan nga ibgay ku, ega na kumuꞌinum pat sumaꞌup, ka subung naytut esang tumbud duꞌun it seled ya, nga magbegay it kaꞌgenan nga egay kaskedan.”

1 Corinto 10:4

Atkayan naga i maꞌinum nira. Subung nagat kaꞌsa ngayti nga piyabugasꞌas i danum duꞌun it batu nga duꞌut Horeb. Batu ngayti, ladawan ni Cristo ngaytu nga bilang keseg nira nga magꞌiba-iba baw magtatarima nga pirmi it kanira.

Mga Ipiyalteg 22:17

Pagꞌaaten it Espiritu Santo baw mga taawan it Ampuꞌang Diyus, sira nga subuk asawaen it paꞌaateng Uꞌuybun It Tupa, “Daliꞌ na!” Baw muꞌsa nga makagneg it itung mga bagay, kaꞌilangan maat gasiꞌ sira nga, “Daliꞌ na!” Melep sini i siyu-siyu nga pagbaꞌnekan. Misiꞌ lamang i iyan magꞌireg it danum ngaytu nga magbegay it kaꞌgenan. Egaytu kaꞌman bayadan.