Exodo 17:2 - Tagbanwa

² Ta, unupat inisgan na nira si Moises. Maat nira, “Sigi, begayan mu kami it danum nga maꞌinum namen!” “Unuy magkaꞌisgan mi it aken?” maat ni Moises. “Unuka pagsukda-sukdanan mi i AMPUꞌANG DIYUS?”

Exodo 17:2 Iomraidhean Croise

Exodo 15:24

Ta it atkayti, siyarasa it mga Israelita ngayti si Moises. Maat nira, “Ta unu naytuy imnun namen kaytu?”

Exodo 16:8

Maat pay beken nga inaat ni Moises, “AMPUꞌANG DIYUS i megay it imyu kada apun it pagsedaꞌ baw kada kadedelman bastanting pangaꞌen. Sabap talagang nagnegan yay ipagpakusalaꞌ mi it kanya. Ka yay matuud, ega kami in daꞌga kanya i pagpakusalaꞌen mi ngaytu, ka kanya nga pabetang-betang i muꞌsa ngaytu.”

Exodo 17:7

Napangaranan i sikayting rugar it Masa baw Meriba, sabap nagpakidaꞌeg i mga Israelita duꞌun kayti, baw subuk siyukda-sukdanan niray AMPUꞌANG DIYUS. Maamaatan sira, “Unu, pagtatarimaen tami naga it AMPUꞌANG DIYUS u daꞌga na?”

Exodo 5:21

Pagkalteg it mamagꞌuliꞌ ngayti, maat nira, “Talagang tiksaꞌen kamu it AMPUꞌANG DIYUS sabap it binwat mi ngaytut amen kayti! Ta unu paꞌ kayti it nabwatan mi nay adiꞌ baw mga taawan ya it patikdan nirat sariyen kami naytut pangimatay nira!”

Isaias 7:12

Katubag si Acaz, maat ya, “Ega bayan mangut aku. Unuka sukda-sukdanan ku i AMPUꞌANG DIYUS?”

Malakias 3:15

Yay matuud, kayti, iyan mga mapiyataꞌas-taꞌas, sira na i pagꞌildawan nga banar kat pangaꞌgenan nira. Eeꞌ baꞌ, magpanggayen i pangaꞌgenan it mamumuwat it karaꞌe-raꞌetan. Baw ega lamang iyan, ka iyan beken, kat karaꞌe-raꞌetan nira talagang magꞌangut sira it panriga it Ampuꞌang Diyus, temed daꞌsira naga pagrigaen.’ Itu nay paꞌaaten ku ngayan nga mabebeꞌgat nga arampangen nga ipagsaꞌbug mi it aken,” maat it Ampuꞌang Diyus.

Mga Bilang 14:2

Biyasul na nira si Moises baw si Aaron. Maat nira, “Magayen pay natay ta na duꞌut Egipto u situt pagpanawan ta ngaytung rugar nga kapupuyangtan!

Mga Bilang 21:5

Miyampang na sirat kuntraꞌ it Ampuꞌang Diyus. Biyasul nira gasiꞌ si Moises, nga maat nira, “Unu baꞌ, piyapalꞌid mu kami duꞌut Egipto isaꞌun lamang maꞌimatay situt rugar ngaytung kapupuyangtan? Ka ungaytu, egay pangaꞌen namen nga singkadan baw egay dadanum. Naꞌyawan kami nat manna ngaytung egay kuwintaꞌ nga pangaꞌen!”

Mateo 4:7

Katubag siꞌ si Jesus, maat ya, “Daꞌga baꞌ magsusurat gasiꞌ, nga, ‘Ega sukdanan mu i Ampuꞌang Diyus mu.’”

Lucas 15:12

Kaꞌampang i ariꞌ manggid, maat ya, ‘Amaꞌ, esa-esa ga, ibgay mu nat aken i aken nga patuꞌ nga susubliyen.’ Ta, egay beken, biyagiꞌ nga matuud it amaꞌ nira ngayti i mga kusas ya.

Lucas 4:12

Temed maat gay tubag ni Jesus it kanya, “Temed daꞌga baꞌ magsusurat gasiꞌ ngayan nga magꞌaat, ‘Ega sukdanan mu i Ampuꞌang Diyus mu.’”

Mga Binwat 15:10

Ta, it atkayti na, unuka pasubraꞌan mi paꞌ i Ampuꞌang Diyus, adimaat kamaliꞌ i pabetang ya ngaytut kanira? Ka ireg mi nga pabeꞌgatan it mga urdin i mga magpamayaꞌ ngaytung ega Judio. Daꞌga baꞌ, maski kita ngaytung mga Judio, pati mga kagiyaringanan tami, egay nakasunud it mga urdin ngaytu it pagsunud nga kaꞌustuꞌan.

Mga Binwat 5:9

Maat siꞌ ni Pedro, “Unuka atkayan i piyagꞌuyunan mi, nga sukdanan i Espiritu Santo nga piyapasarum it Ampuꞌan situt bilug ta? Wayan na it salakwatan, namagkaꞌuliꞌ na, i nanlebeng it asawa mu. Kayti, paribasay piyagꞌuyunan mi i ambut ngaytu, makatundug ka nagat asawa mu.”

1 Corinto 10:9

Kaꞌilangan gasiꞌ, ega sukda-sukdanan tami i Ampuꞌan, nga subung gasit binwat it beken nga mga kaꞌibaan it mga taw ngayti, nga yay napuꞌnan it simnari sirat patay sabap siyari sirat tundaꞌ it mga dalitan nga dukul.

Hebreo 3:9

‘Talagang,’ maat it Ampuꞌang Diyus, ‘pirmi nga pagsukda-sukdanan nira aku, lamang seledan nat epat nga pulung taꞌun, nagpasar kat mata nira i guna ku nga ipagtabang kut kanira.

1 Samuel 8:6

Ega magkapakay si Samuel it iti ngayting sugi-sugid it mga taw ngayti. Aypaꞌ egay beken nga binwat ya, nanalangin kanya duꞌun it AMPUꞌANG DIYUS.