Exodo 17:11 - Tagbanwa

¹¹ Ta, basta magtitindeg i mga alima ni Moises, magpandaꞌeg i mga Israelita, takaꞌ in magkapaꞌababaꞌ ya, ta mga Amalecita i magpandaꞌeg.

Exodo 17:11 Iomraidhean Croise

Exodo 17:10

Siyunud ni Josue i inaat ngayti ni Moises. Diyarugpaꞌ na nira i mga Amalecita ngayti. Ki Moises ngayti, nga iba ya si Aaron baw sang kataawan nga pagpangaranat ki Hur, naꞌaduꞌun nat sagpaw it mungsuꞌ ngayti.

Exodo 17:12

Temed paribasay kimnaꞌlay, kinter na si Moises. Aypaꞌ binwat na Aaron, duwa ni Hur, miyanu sira it batu ka piyaꞌdungan it ki Moises. Bawnga singkel nira i mga alima ni Moises ngayti nga magtitindeg isaꞌun ega makapasalu ya. Seked it simindep i aldaw i seskel nira.

Lucas 18:1

Esa gasing alimbawa i ipiyanulduꞌ ni Jesus it mga alagad ya, isaꞌun matantuwan nira nga kaꞌilangan pirmi nga magpanalangin, ega maskedan.

1 Timoteo 2:8

Ireg ku sana, mga lalaki duꞌun it kada rugar nga pagtiꞌmesan it mga magpamayaꞌ, magpanalangin sira nga pirmi. Temed kaꞌilangan nga uyun kat kaꞌirgan it Ampuꞌang Diyus i pangaꞌgenan nira, nga egay pagꞌiseg-isegen u daꞌe-daꞌegen.

Santiago 5:16

Aypaꞌ in may nabwat mi nga kasalaꞌan duꞌun it masigkataw mi, kaꞌilangan aminen mi duꞌun it kanya nga magꞌangut it pasinsiyaen. Bawnga magsigpanalangin kamu isaꞌun pagayenen kamu it Ampuꞌan. Ka talagang may paglapusan it panalangin it taw nga mataldeng kat panleteg it Ampuꞌang Diyus, nga dakulaꞌ nga banar i magkabwat it panalangin ngaytu.

Josue 8:26

Sigi pang tutulduꞌ ni Josue it besak ya duꞌun it Hai ngayti seked it naꞌimatay na nirang muꞌsa i kumpur taw duꞌun.