Exodo 17:1 - Tagbanwa

¹ Gimnaring siꞌ i mga Israelita ngayti duꞌut rugar ngayti nga kapupuyangtan nga pagpangaranat Sin. Kayaꞌmat-kayaꞌmat lamang i panaw nira, uyun kat in sang unuy kaꞌalaid it panawan nira nga ipagꞌurdin it AMPUꞌANG DIYUS. Kaꞌsang aldaw, duꞌun siꞌ i piyagbalay-balayan nira it Refidim. Temed egay dadanum duꞌun kayti.

Exodo 17:1 Iomraidhean Croise

Exodo 15:22

Ega na naꞌlay, tiyaban na ni Moises i mga Israelita ngayti garing duꞌun it pagpangaranan ngaytit Madarag nga Dagat, naꞌaduꞌun i pamanaw nira it rugar nga kapupuyangtan nga duꞌut Shur. Tulung aldaw nay piyanawan nira, egay magkapsagan nira nga danum.

Exodo 16:1

Ega naga naꞌlay i mga Israelita duꞌut Elim ngayti, namagpanaw siꞌ. Ikasang puluꞌ may lima na nga aldaw it ikadwang bulan garing it pagliꞌid nira duꞌut Egipto, nakaꞌbut sira duꞌut kapupuyangtan nga rugar nga pagpangaranat Sin, nga duꞌut piyagtengaꞌan it Elim baw Sinai.

Exodo 17:8

Iyan duꞌun paꞌ i mga Israelita it Refidim ngayti, riyumpakan sira it mga Amalecita.

Exodo 19:2

Sabap pagpanaw nira siꞌ, nga garing duꞌun it Refidim ngayti, naꞌaduꞌun na sira it rugar nga kapupuyangtan nga duꞌut Sinai. Piyagbalay-balayan nira, duꞌun nat adeꞌdeng it siyangkedan it bukid.

Mga Bilang 20:2

Ta it egay dadanum duꞌun kayti, unupat biyasul siꞌ it mga taw na Moises, duwa ni Aaron.