Exodo 16:8 - Tagbanwa

⁸ Maat pay beken nga inaat ni Moises, “AMPUꞌANG DIYUS i megay it imyu kada apun it pagsedaꞌ baw kada kadedelman bastanting pangaꞌen. Sabap talagang nagnegan yay ipagpakusalaꞌ mi it kanya. Ka yay matuud, ega kami in daꞌga kanya i pagpakusalaꞌen mi ngaytu, ka kanya nga pabetang-betang i muꞌsa ngaytu.”

Exodo 16:8 Iomraidhean Croise

Exodo 16:12

“Nagnegan ku i pakusalaꞌ it mga Israelita. Aaten mu sira nga, mabway nga apu-apun na, begayan ku sira it pagsedaꞌ. Meyag, pangaꞌen siꞌ i ibgay ku it kanira. Pagustuꞌ sira it kaꞌen. Sikayan maꞌrutan nira nga aku i AMPUꞌANG DIYUS nira.”

Exodo 16:9

Maat ni Moises it ki Aaron, “Aaten mu i kadakel ngaytu nga kaꞌilangan madap sira it AMPUꞌANG DIYUS sabap nagnegan ya i mga pakusalaꞌ nira.”

Exodo 17:2

Ta, unupat inisgan na nira si Moises. Maat nira, “Sigi, begayan mu kami it danum nga maꞌinum namen!” “Unuy magkaꞌisgan mi it aken?” maat ni Moises. “Unuka pagsukda-sukdanan mi i AMPUꞌANG DIYUS?”

Mga Bilang 14:27

“Talagang maraꞌe-raꞌet i adat it iyang mga taw. Seked kayti talagang sigi-sigi pang basul nira it aken. Kaꞌnu paꞌ bayan i ipdek nira?

Mga Bilang 21:7

Ta it atkayti, nandangep siꞌ sira duꞌun it ki Moises. Maat nira, “Talagang nagkasalaꞌan kami siꞌ kat inampang namen nga kuntraꞌ it AMPUꞌANG DIYUS baw kuntraꞌ nagat imu. Esa-esa ga, ipanalangin mu duꞌut kanya nga awaꞌen ya nagay mga dukul ngaytu.” Aypaꞌ nanalangin siꞌ si Moises.

Mateo 10:40

Pangiyaꞌpusan it ipagpanulduꞌ ngaytu ni Jesus, maat ya, “Iyan talaga magtanggap baw mistimar it imyu, magtanggap gasiꞌ yan it aken. Baw iyan magtanggap it aken, pagtanggapen ya gasiꞌ i Ampuꞌang Diyus nga nagtaꞌeg it aken it paꞌasitu.

Mateo 9:4

Temed magkaꞌrutan ni Jesus i kat nakem nira ngayti. Aypaꞌ miyampang kanya nga magꞌaat, “Unuka atkayan i kat nakem mi, nga talagang ega magayen?

Lucas 10:16

Maat pay paꞌugdun ni Jesus duꞌun it mga alagad ya, “Iyan magpagneg it imyu, aku yan i pagpagnegan nira. Iyan gasiꞌ magpandaꞌga it imyu, magpandaꞌga gasiꞌ yan it aken. Baw iyan magpandaꞌga it aken, magpandaꞌga gasiꞌ yan it Amaꞌ ku nga nagtaꞌeg it aken.”

Juan 13:20

Kamatuudan talagay ipagꞌaat ku ngaytut imyu. Iyan magtanggap it pagtaꞌgen ku, aku i pagtanggapen ya. Baw iyan nga magtanggap it aken, pagtanggapen ya gasiꞌ i nagtaꞌeg it aken.”

Roma 13:2

Aypaꞌ iyan taw nga magkuntraꞌ it punuꞌan, pagkuntraꞌen ya i pabetang-betang ngaytut Ampuꞌang Diyus. Ta, in atkayan, siguradu kanya nga betanganan it ukuman nga rigaen.

1 Corinto 10:10

Ega gasiꞌ mamasul kamu, nga subung it binwat gasiꞌ it beken nga mga kaꞌibaan nira, nga egay beken nga liꞌwan ya, piyuuꞌ sira it anghil nga mamumuuꞌ.

1 Tesalonica 4:8

Aypaꞌ in siyuy magpandaꞌga it ipagpangadal namen ngaytu, talagang maꞌyag kat matat aldaw nga ega taw i pagpandaꞌgaan ya, in daꞌga Ampuꞌang Diyus, kanya nga magꞌildaw it aten nga pasaruman tami it Espiritu Santo ya.

1 Samuel 8:7

Tiyubag kanya it AMPUꞌANG DIYUS, nga magꞌaat, “Sunudun mu nay pagꞌangutun it mga taw ngayan, ka yay matuud, ega yan ikaw i pagdaꞌkuun nira, in daꞌga akuy pagdaꞌkuun nirang mamaalaꞌ it kanira.