Exodo 16:6 - Tagbanwa

⁶ Pagkatupus it pakisugi-sugid ngayti it AMPUꞌANG DIYUS, ipiyagꞌaat siꞌ na Moises, duwa ni Aaron, it mga Israelita ngayti. Maat nira, “Kayti nga apun matantuwan mi nga AMPUꞌANG DIYUS i nagpaliꞌwan it imyu duꞌut Egipto.

Exodo 16:6 Iomraidhean Croise

Exodo 12:51

Kat iti nagang aldaw, ipiyaliꞌwan it AMPUꞌANG DIYUS i mga Israelita duꞌun it Egipto.

Exodo 16:3

Magꞌaat siꞌ nira, “Magayen paꞌ talaga in inimatay kami na lamang it AMPUꞌANG DIYUS duꞌun it Egipto. Ka duꞌun, pagsekdan namen i pagsedaꞌ baw maski unu nga pangaꞌen. Takaꞌ in situt itung rugar nga tiyabanan mi it amen, baraꞌan ya kaytu pamuyangten kami nang muꞌsa!”

Exodo 16:8

Maat pay beken nga inaat ni Moises, “AMPUꞌANG DIYUS i megay it imyu kada apun it pagsedaꞌ baw kada kadedelman bastanting pangaꞌen. Sabap talagang nagnegan yay ipagpakusalaꞌ mi it kanya. Ka yay matuud, ega kami in daꞌga kanya i pagpakusalaꞌen mi ngaytu, ka kanya nga pabetang-betang i muꞌsa ngaytu.”

Exodo 32:1

Temed ta, it nakakaꞌlay si Moises duꞌut siyagpawan it bukid ngayti, binwat it mga Israelita, naꞌaduꞌun sira it ki Aaron, ka maat nira, “Muwat ka it mga ladawan it Ampuꞌang Diyus nga manguꞌna it aten nga ganti ni Moises, ka egaytu magkaꞌrutan tami in naꞌunu naytu si Moises ngaytu nga nagpaliꞌwan ngaytut aten duꞌut Egipto.”

Exodo 32:11

Temed nagpasanguꞌ-sanguꞌ si Moises duꞌun it Ampuꞌang Diyus ya. “AMPUꞌANG DIYUS,” maat ya, “ayaw beteꞌ, ega isgan mu i mga taawan mu ngaytu, sira nga ipiyaliꞌwan mu duꞌut Egipto kat keseg it guna mu.

Exodo 32:7

Ta, it atkayti na, maat it AMPUꞌANG DIYUS it ki Moises, “Uliꞌen mu kayti i mga Israelita nga kabilug mu ngayan nga ipiyaliꞌwan mu duꞌut Egipto. Kayting-kayti egay beken nga buwat nira, mamagparaꞌe-raꞌet na it sadili nira.

Exodo 6:6

Aypaꞌ, ituy iꞌaat mu it mga Israelita. Aaten mu nga maat ku, ‘AMPUꞌANG DIYUS aku nga matuud. Talagang iribri ku kamu kat pakuriꞌ it mga taga Egipto. Ipatanud ku it mga taga Egipto ngaytu i beꞌgat it alima ku. Rigaen ku talaga sira. Temed iyan kamu, ipaliꞌwan ku na kamu kat panguripen nira it imyu.

Exodo 6:7

Epe-epetan ku kamu nga mga Israelita, ka taawan ku na kamu. Aku na i Ampuꞌang Diyus mit imyu. Talagang makilalaan mi nga aku i AMPUꞌANG DIYUS, nga nagribri it imyu kat pakuriꞌ it mga taga Egipto.