Exodo 16:21 - Tagbanwa

²¹ Ta garing sikayti, meyag-meyag, pagkuꞌmiten nira, pateng lamang nga maꞌubus nira. Kada abwatay nay aldaw, matunaw nay mga iti ngayti nga duꞌun pat lugtaꞌ.

Exodo 16:21 Iomraidhean Croise

Exodo 16:20

Temed iyan beken, ega namayaꞌ it ki Moises ka may ipiyaꞌped nira naga. Takaꞌ pagꞌeyag, inlud i ipiyaꞌped nira ngayti baw miyauꞌ na. Aypaꞌ ka miniseg si Moises it kanira.

Exodo 16:22

Iyan ikaꞌnem na nga aldaw, ta piyasubraꞌan na it kada esa i pinsiꞌ nira. Tagasang alup nay patuꞌ it sang kataawan. Naꞌaduꞌun it ki Moises i mga ginuꞌu it mga Israelita ngayti ka isiyugid i iti ngayti.

Mateo 6:33

Aypaꞌ ipadaꞌeg mi nga pirmi kat nakem mi i kamatuudang pagpasakep mi it Ampuꞌang Diyus baw eꞌres nga pagsunud mi it pangaꞌgenang mataldeng nga ipiyagꞌurdin ya. Bawnga iꞌildaw yat imyu i mga bagay ngaytu nga pagkaꞌilanganen mi.

Juan 12:35

Maat siꞌ ni Jesus it kanira, “Dekeyeꞌ mana nga timpu nga maꞌiba-iba mi aku nga bilang tidaw nga magꞌeyag it imyu. Kaꞌilangan magpatulduꞌ kamu mintras magkaꞌyagan kamu paꞌ. Pasbung kamut taw nga magpanaw it maꞌyag paꞌ, nga ega magpadlem. Ka ega magkaturnuwan it magpanaw it madlem in ari magayen nga panawan ya.

2 Corinto 6:2

Ka dedemdemen mi i inaat it Ampuꞌang Diyus duꞌun it isiyurat ngaytit tagnaꞌ nga magꞌaat, “Kat timpu nga ipiyabetang ku nga tamaꞌ, siyambungan ku na i panalangin mi. Tiyubag ku kamu kat aldaw nga ipiyagtirminu ku nga aldaw it panribri.” Aypaꞌ mandangep kamung matuud duꞌun it kanya ka kayti nay tamaꞌ ngayang timpu nga paꞌaaten ya. Kayti na ngaytu i aldaw nga ipagpanribri yat mga taw.