Exodo 15:22 - Tagbanwa

²² Ega na naꞌlay, tiyaban na ni Moises i mga Israelita ngayti garing duꞌun it pagpangaranan ngaytit Madarag nga Dagat, naꞌaduꞌun i pamanaw nira it rugar nga kapupuyangtan nga duꞌut Shur. Tulung aldaw nay piyanawan nira, egay magkapsagan nira nga danum.

Exodo 15:22 Iomraidhean Croise

Genesis 16:7

Nagpakikita it ki Agar i Anghil it AMPUꞌANG DIYUS duꞌut esang tumbud it danum nga duꞌun it kapupuyangtan nga rugar. Iti i tumbud nga duꞌut dalan nga magpaꞌaduꞌut Shur.

Genesis 20:1

Ega naꞌlay, nagpaꞌugad siꞌ si Abraham ngayti. Naꞌaduꞌun siꞌ kanya it Negeb. Tiyaꞌidan yang rugar, duꞌun it piyagtengaꞌan it Cades baw Shur. Bawnga ministar kanya duꞌun it Gerar.

Exodo 17:1

Gimnaring siꞌ i mga Israelita ngayti duꞌut rugar ngayti nga kapupuyangtan nga pagpangaranat Sin. Kayaꞌmat-kayaꞌmat lamang i panaw nira, uyun kat in sang unuy kaꞌalaid it panawan nira nga ipagꞌurdin it AMPUꞌANG DIYUS. Kaꞌsang aldaw, duꞌun siꞌ i piyagbalay-balayan nira it Refidim. Temed egay dadanum duꞌun kayti.

Exodo 3:18

Pagnegan ka yan it mga Israelita. Bawnga pabayaꞌen mu i mga ginuꞌu ngayan it paꞌaduꞌun it adiꞌ it Egipto. Aaten mu it kanya, ‘Nagpakikita it amen i AMPUꞌANG DIYUS namen nga mga Hebreo. Aypaꞌ, asi-asi pat imu, magpamꞌun kami baytu ka pagpapanawun ya kami duꞌun it rugar nga kapupuyangtan isaꞌun sumamba it kanya nga AMPUꞌANG DIYUS namen. Kaꞌalaid it panawan namen, tulung aldaw i ikaꞌbut.’

1 Samuel 15:7

Pagkalꞌid it mga Cineo ngayti, ta yapay siyulung na niray mga Amalecita. Piyakibunuꞌan niray mga Amalecita ngayti garing duꞌun it Avila miyabut duꞌun it Sur, kat lebatang ayun it Egipto.