Exodo 14:21 - Tagbanwa

²¹ Binwat ni Moises, ipiyapatuꞌ ya i sungkud duꞌut sagpaw it dagat ngayti. Naglinag nga piyaꞌyep it AMPUꞌANG DIYUS i masbeg nga deres nga garing duꞌut lebatan. Egay beken, nabagiꞌ i danum. May magbabalantang na nga napraan duꞌut tenga-tengaꞌ.

Exodo 14:21 Iomraidhean Croise

Josue 4:23

Sabap kat adapan mi, piyapraan it AMPUꞌANG DIYUS mi i Jordan ngaytu seked it nakadipag kamu nang muꞌsa. Binwat ya ngaytu it Jordan, subung naga it binwat ya duꞌun it dagat nga pagpangaranan it Madarag nga Dagat, pagpandipag tami ngayan duꞌun.

Mga Binwat 7:36

Eeꞌ baꞌ, si Moises ngayti i nagpaliꞌwan it kanira duꞌun it Egipto. Dakel i nabwat ya nga tandaꞌanan nga kalililuꞌang bagay duꞌun it Egipto ngayti, baw duꞌun it Madarag nga Dagat, baw kat seledat epat nga pulung taꞌun nga pagpanguꞌnaan ya sira duꞌun it kapupuyangtan nga rugar.

Genesis 8:1

Ta, ega nalipatan it Ampuꞌang Diyus si Noe baw muꞌsang mga kaꞌibaan ya duꞌut pagsasakayan nira ngayti. Aypaꞌ ka piyaꞌyep ya nay deres kat sagpaw it lugtaꞌ. Ta, nagpapuꞌun nat mebas-ebas na i danum,

Exodo 7:19

Maat siꞌ it AMPUꞌANG DIYUS it ki Moises, “Aaten mu si Aaron nga seklen yay sungkud ya bawnga iptat yay alima ya nga magseskel, ipaꞌayun duꞌut danum it Nilo, bawnga ipabereng-bereng ya isaꞌun magbalyung duguꞌ i muꞌsang danum kat muꞌsang banwa nga Egipto, magburus, magluldung u maski iyan nasarad u nasaꞌyung. Pati nasaꞌgeb na nga duꞌun nat mga sasaꞌgeban nira, baw mga magꞌaꞌalin na duꞌut aꞌalinan nira nga mga guriꞌ, magbalyu naga nga duguꞌ.”

Exodo 14:20

Yanayti i bilang miyarbeng duꞌut piyagtengaꞌan it mga taga Egipto baw mga Israelita. Ayun duꞌut mga taga Egipto ngayti, nagpintut it pandele-delem, beken it delem na. Temed ayun duꞌut mga Israelita ngayti, atnang pangeya-eyag ka sugu naga it kunum ngayti. Ta it atkayti, ega nakapatpad i mga taga Egipto ngayti duꞌun it mga Israelita.

Josue 2:10

Sabap nabaritaꞌan namen in magꞌuꞌunu piyapra it AMPUꞌANG DIYUS mi i dagat nga piyanawan mi pagpandipag mit garing kamu duꞌut Egipto. Naꞌrutan namen gasiꞌ nga diyaꞌeg mi i mga adiꞌ nga si Sehon baw si Og nga adiꞌ it mga Amorreo duꞌut sang dipag it danum it Jordan. Piyuuꞌ mi talagay mga sundaluꞌ nira.

Josue 3:17

Mga sasirduti ngayti nga mamagpipirisiꞌen it Kaban ngaytit Pakiꞌupakat, binwat nira, namagtindeg lamang sira duꞌun it tengaꞌ it pagpepraan ngayti mintras mamagpandipag i muꞌsang mga kaꞌibaan nira nga Israelita.

2 Mga Adiꞌ 2:8

Limbas ni Elias i gulamen ya, liyulun ya, bawnga ipiyagripdas ya duꞌun it danum ngayti. Sakaling nabagiꞌ i danum ngayti, napraan i duꞌut piyagtengaꞌan. Sikayti nay piyanawan na Elias duwa ni Eliseo it dimnipag.