Exodo 14:11 - Tagbanwa

¹¹ Baw ta, si Moises na ngayti, tiyemek-temek nira nga magꞌaat, “Salaꞌ muytu! Unu, ega nay malbengan it amen duꞌut Egipto, aypaꞌ ka tiyaban mu na kami situt kapupuyangtan ngaytung rugar, nga sikaytu nay patayan nameng muꞌsa? Ta letganan mu kaytu! In daꞌkami paꞌ riniwak-riwak mu duꞌun it Egipto, ega atkaytuy mabetangan namen.

Exodo 14:11 Iomraidhean Croise

Genesis 43:6

Maat ni Israel ngayting amaꞌ nira, “Unuka piyakuriꞌan mi aku it itung mga kaꞌulugan? Unu bayan ka isiyugid mi paꞌ nga may sulsug mi paꞌ nga beken?”

Exodo 32:1

Temed ta, it nakakaꞌlay si Moises duꞌut siyagpawan it bukid ngayti, binwat it mga Israelita, naꞌaduꞌun sira it ki Aaron, ka maat nira, “Muwat ka it mga ladawan it Ampuꞌang Diyus nga manguꞌna it aten nga ganti ni Moises, ka egaytu magkaꞌrutan tami in naꞌunu naytu si Moises ngaytu nga nagpaliꞌwan ngaytut aten duꞌut Egipto.”

Exodo 5:21

Pagkalteg it mamagꞌuliꞌ ngayti, maat nira, “Talagang tiksaꞌen kamu it AMPUꞌANG DIYUS sabap it binwat mi ngaytut amen kayti! Ta unu paꞌ kayti it nabwatan mi nay adiꞌ baw mga taawan ya it patikdan nirat sariyen kami naytut pangimatay nira!”

Exodo 5:22

Ta, nanalangin siꞌ si Moises duꞌut AMPUꞌANG DIYUS. Maat ya, “Agalen ku, unuka atkaytu nga pagpakuriꞌan mu i mga taw ngaytu? Unuka tiyaꞌeg mu aku situ?