Exodo 14:10 - Tagbanwa

¹⁰ Naꞌubu-ubus i iꞌlam it mga Israelita ngayti, pagkalawag nira it mamagꞌaꞌabut ngayti nga mga taga Egipto. Nakapangabang sira duꞌun it AMPUꞌANG DIYUS.

Exodo 14:10 Iomraidhean Croise

Exodo 15:25

Ta it atkayti, nangabang si Moises duꞌun it AMPUꞌANG DIYUS. Itulduꞌ it kanya, peꞌtek it kayu. Egay beken, pinsiꞌ ni Moises bawnga ibiyuntal ya duꞌut danum ngayti. Ta, sakaling naꞌiriꞌ i paꞌit ya. Siyukda-sukdanan sira it AMPUꞌANG DIYUS duꞌun kayti baw may ipiyagꞌurdin ya it kanira.

Josue 24:6

Pagkapaliꞌwan ku it mga kagiyaringanan mi duꞌun it Egipto, bawnga nakaꞌbut sira duꞌun it Madarag nga Dagat. Tiyundug naga sira it mga taga Egipto nga magsasakay it sarakayan it magpakibunuꞌ, seked duꞌun it dagat ngayti.

Josue 24:7

Binwat it kagiyaringanan mi ngayti, nangabang sira situt aken, bawnga ipiyabalantang ku i madlem duꞌun it piyagtengaꞌan nirat mga taga Egipto ngayti. Piyataburan kuy mga taga Egipto it dagat nga ipiyadalingding ku. Nataburan sirang muꞌsa. Nataksiꞌan mi naga i binwat ku ngayti it mga taga Egipto, bawnga naꞌlay i taꞌid-taꞌid mi kat rugar nga kapupuyangtan.

1 Juan 4:18

Ka basta kamatuudan i pagmaꞌal tat Ampuꞌang Diyus baw kararas tat masigkataw ta, ega nay iꞌlam tamit panriga. Sabap iyan ustuꞌ nga pagmaꞌal, subuk magkataburan yay iꞌlam ngaytu. Ka iyan talagay pagꞌiꞌlaman it mga taw, rigaen. Aypaꞌ in magꞌiꞌlam ta pat rigaen, maꞌyag nga kurang pay pagmaꞌal baw kararas ta.