Exodo 13:21 - Tagbanwa

²¹ Talagang sira ngayti nga mamagpanaw, pagtatarimaen it AMPUꞌANG DIYUS it delemen, aldawun. Kamatuudan, in aldawun, may subuk kunum nga magtitindeg duꞌut uꞌnaan nira nga yanayti i pagbayaꞌen nira. Ta in delemen, subung siꞌ it apuy i magtitindeg ngayti nga yanayti i piyakatidaw nira.

Exodo 13:21 Iomraidhean Croise

Exodo 10:10

Mampang i adiꞌ ngayti, maat ya, “Ta sigi, baw sana ildawan kamu it AMPUꞌANG DIYUS ngayang paꞌaaten mi, basta palugtan ku naga kamu nga mapanaw kamung muꞌsa. Ka yay matuud, talagang ega ipalugut kut pabayaꞌen mi i mga asawa mi baw mga anak mi! Maꞌyag nga may antap it nakem mi nga ega magayen.

Exodo 16:10

Egay beken, tiningped ni Aaron i kadakel. Magꞌampang paꞌ kanya, namaglawag sira nga muꞌsa duꞌut rugar ngayti nga kapupuyangtan. Sakaling naltegan nira duꞌut kunum i magsilaw na nga kabantugan it AMPUꞌANG DIYUS.

Exodo 32:1

Temed ta, it nakakaꞌlay si Moises duꞌut siyagpawan it bukid ngayti, binwat it mga Israelita, naꞌaduꞌun sira it ki Aaron, ka maat nira, “Muwat ka it mga ladawan it Ampuꞌang Diyus nga manguꞌna it aten nga ganti ni Moises, ka egaytu magkaꞌrutan tami in naꞌunu naytu si Moises ngaytu nga nagpaliꞌwan ngaytut aten duꞌut Egipto.”

Deuteronomio 31:8

AMPUꞌANG DIYUS mismu i magpanguꞌna it imu, baw talagang pagtatarimaen ya ikaw nga pirmi. Daꞌka pablagan u tananan ya. Aypaꞌ ayaw ka it iꞌlam baw panlubay.”