Exodo 13:19 - Tagbanwa

¹⁹ Mga tuꞌlang ni Jose ngaytit tagnaꞌ, taban na ni Moises it namagpanaw ngayti, sabap ipiyan-gun ni Jose nga magꞌaat, “Pagsisiguruun ku nga ildawan kamu it Ampuꞌang Diyus nga kalꞌid kamu na situ. Ta kayti, pagliꞌid mi, tabanen mi nagay mga tuꞌlang ku.”

Exodo 13:19 Iomraidhean Croise

Exodo 4:31

Egay beken namayaꞌ i muꞌsa ngayting mga Israelita. Bawnga iyan naꞌrutan nira nga siyanguꞌan na sira it AMPUꞌANG DIYUS, baw ega ngayti magkataguꞌ it kanya i muꞌsang pagbuwaten it mga taga Egipto nga pakuriꞌ it kanira, binwat nira, namagpanluud ka namagsamba sira it AMPUꞌANG DIYUS.

Lucas 1:58

Pagkaꞌrut it mga kamalay nira baw mga kaduguꞌan nira it kadakulat ildaw ngaytit Ampuꞌang Diyus duꞌun it ki Elisabet ngayti, masasagya gasiꞌ sira.

Lucas 7:16

Pagkamuya it mga taw ngayti, inabut sirat iꞌlam baw biyantug nira i Ampuꞌang Diyus. “Miyabut situt aten i esang bantug nga prupitaꞌ. Talagang kita nga mga taawan it Ampuꞌang Diyus, inildawan ya na nga banar!”

Mga Binwat 7:15

Aypaꞌ iyan i ikiyapaꞌaduꞌun ni Jacob baw mga kiyaꞌapuꞌ-apuꞌan tami it Egipto. Duꞌun nay piyamagpatayan nira.

Mga Binwat 7:16

Temed maski duꞌun nat Egipto i piyamagpatayan nira, ega naga duꞌun i limbengan it kanira, in daꞌga, duꞌun nagat Canaan ngayti nga banwa nira. Idiyuꞌun nira nagat paglebngan nirang kubkub duꞌun it Siquem nga inalang ni Abraham duꞌut mga anak ni Hamor.”

Hebreo 11:22

Ta, sabap gasiꞌ it pamayaꞌ baw pagsarig ya duꞌun it Ampuꞌang Diyus, iyan adeꞌdeng na matay si Jose naꞌampang ya naga nga kalꞌid naga duꞌut Egipto i mga Israelita ngayti baw ipiyan-gun ya nagang tabanen nagay tuꞌlang ya in limꞌid na sira.