Exodo 12:8 - Tagbanwa

⁸ Iti naga nga delem, kaꞌilangan iyawun niray karniꞌ it uꞌuybun ngayti bawnga kaꞌnen. Beken gasiꞌ nga kaꞌnen nira, mapaꞌit nga inglay baw tinapay nga egay ipagpaꞌalsa.

Exodo 12:8 Iomraidhean Croise

Exodo 1:14

Talagang pagpakuriꞌan na nirang banar i mga Israelita ngayti kat ipagreges nang pamwat it buwat-buwat it balay nga pagpadsenen nga lugtaꞌ. Atnagay buwaten duꞌut kaꞌuꞌumaan.

Exodo 12:9

Ayaw it may kaꞌen it egenen nga karniꞌ it uꞌuybun ngaytu. Baw pangilutuꞌ, ega lepaꞌen. Kaꞌilangan uyubun mi i pangiyaw, baw egay ginisen nga bilug ya, uyut naga i kumpur seled.

Isaias 53:10

Temed talagang pabetang-betang it AMPUꞌANG DIYUS nga pakuriꞌan baw imatayen ngaytu kanya. Sabap in buwaten kanya nga salisi nga ipagꞌangut it kapasinsiyaan it kasalaꞌan, baraꞌan ya, paꞌlayen nang banar kanya baw maltegan ya nga dumakel i mga tungtung-inapuꞌ ya. Baw, kat mga buwaten ya, matuman nga banar i kumpur ipiyabetang-betang it AMPUꞌANG DIYUS.

Mateo 16:12

Ta, duꞌun nasepsepan it mga alagad nga pagpaꞌinturan it kanira, panulduꞌ it mga Pariseo baw mga Saduceo, ega maat ipagpaꞌalsa it tinapay.

Mateo 26:26

Iyan mamagkaꞌen paꞌ sira, kimnuꞌmit si Jesus it tinapay bawnga nagpasalamat duꞌun it Ampuꞌang Diyus. Pagkapasalamat ya, biyagiꞌ ya na bawnga ibinggay duꞌun it mga alagad ya ngayti. Maat ya, “Iya, kawaꞌen mi ka kaꞌnen mi, ka bilug kuytu.”

Galacia 5:9

In sigi pang pagpabuyug-buyugan mi i pangadal ngayti nga ega kamatuudan, subraꞌ pang rumanggaꞌ i pamayaꞌ mi. Ka daꞌga baꞌ, maski dekeyeꞌ nga ipagpaꞌalsa i ipagragiꞌ, magkapaꞌalsa ya i kumpur riyagiꞌan, maat it sambatan ta.

1 Tesalonica 1:6

Ta, giyuru mi i amen ngaytu nga adat, ka magpasbung kamu na gasiꞌ it Ampuꞌan. Maski talagang piyakuriꞌan kamu, temed tiyanggap mit masagya i ampang it Ampuꞌang Diyus nga ipiyangadal namen. Eeꞌ baꞌ, tiyanggap mi it may kamatuudang kasagyaan nga begay it Espiritu Santo.