Exodo 12:6 - Tagbanwa

⁶ Arigraen mi nat magayen seked it ikasang puluꞌ may epat nga aldaw it bulan ngaytu. Bawnga in magsedep nay aldaw it iti nga aldaw, imatayen na sira it kadakel it mga Israelita.

Exodo 12:6 Iomraidhean Croise

Exodo 12:14

Baw iti nagang aldaw i ipagpistaꞌ mi magtungtung-magꞌinapuꞌ. Ka pistaꞌ mi ngaytu situt aken nga AMPUꞌANG DIYUS i ipagpademdem it imyu it binwat ku ngaytu. Kaꞌilangan atkaytu i buwaten mi it seked maꞌlay nga banar.”

Exodo 12:17

Pistaꞌ ngaytu it Tinapay nga Egay Ipagpaꞌalsa i pagbuwaten mi magtungtung-magꞌinapuꞌ, sabap itu ngaytu nga aldaw i ipiyaliꞌwan ku it kadakel mi asan it Egipto.”

Exodo 12:47

Kaꞌilangan nga pagkaraꞌnen ngaytu, buwaten it muꞌsang mga Israelita.

Exodo 16:1

Ega naga naꞌlay i mga Israelita duꞌut Elim ngayti, namagpanaw siꞌ. Ikasang puluꞌ may lima na nga aldaw it ikadwang bulan garing it pagliꞌid nira duꞌut Egipto, nakaꞌbut sira duꞌut kapupuyangtan nga rugar nga pagpangaranat Sin, nga duꞌut piyagtengaꞌan it Elim baw Sinai.

Exodo 16:12

“Nagnegan ku i pakusalaꞌ it mga Israelita. Aaten mu sira nga, mabway nga apu-apun na, begayan ku sira it pagsedaꞌ. Meyag, pangaꞌen siꞌ i ibgay ku it kanira. Pagustuꞌ sira it kaꞌen. Sikayan maꞌrutan nira nga aku i AMPUꞌANG DIYUS nira.”

Exodo 19:1

Iyan ikatlu nang bulan garing it liminꞌid i mga Israelita duꞌut Egipto, nakaꞌbut sira duꞌun it rugar nga kapupuyangtan nga duꞌut Sinai.

Isaias 53:6

Kitang muꞌsa, subuk mga tupa nga namagkateꞌag-teꞌag na nga nanganya-kanya nat piyanawan. Temed, iyan ukuman nga panriga nga pagꞌangutun it kasalaꞌan tami nga muꞌsa, ipiyalabay na it AMPUꞌANG DIYUS it kanya.

Mateo 27:20

Temed buwat it mga pagbayaꞌen it mga sasirduti baw mga mataꞌas nga ginuꞌu, ininduꞌan niray mga taw ngayti duꞌun nga iyan i angutun nga paliꞌwanen ni Pilato, si Barrabas, baw iyan si Jesus, imatayen.

Mateo 27:25

Katubag i mga taw ngayti, “Panubagan namen yan baw mga kaꞌanak-anakan namen i kamataynen ya!”

Marcos 15:1

Magpangyag, nagꞌupa-upakaten nga lagi i mga pagbayaꞌen it sasirduti, mga mataꞌas nga ginuꞌu, mga manigpaꞌyag it urdin baw beken paꞌ nga kumpur kaꞌuyutan it Sanedrin. Ipiyabayuk nira na si Jesus bawnga tiyaban na duꞌun it gubirnadur nga si Pilato.

Marcos 15:11

Temed ininduꞌan it mga pagbayaꞌen it sasirduti i katataawan nga yay angutun nira nga ipaliꞌwan kat pagkapirisu, si Barrabas ngayti.

Marcos 15:25

Magꞌinlalakay nay aldaw, pagransang nirat ki Jesus duꞌun it krus.

Marcos 15:8

Minlep duꞌut ki Pilato i mga taw ka inangut nira nga buwaten ya nay kaꞌugaliꞌan ya ngayti.

Lucas 23:1

Ta, egay beken, timnindeg na i muꞌsa ngayting mga kaꞌuyutan it Sanedrin, ka sang siraan nay timnaban it ki Jesus duꞌun it Romano nga gubirnadur nga si Pilato.

Lucas 23:18

Ta, pagkagneg nira it ampang ngayti ni Pilato, derengan nga nanggaꞌmaran i kadakel nga magꞌaat, “Imatayen yan i iyang taw, si Jesus ngayan! Iyan i ipaliꞌwan kat pagkapirisu, si Barrabas!”

Mga Binwat 2:23

Temed ta, ipiyaꞌalima mi kanya ngaytu duꞌun it mga taw nga ega magkilala it Ampuꞌang Diyus, ka ipiyaꞌimatay mi kanya duꞌun it krus. Temed yay matuud, pagtuman tu lamang it pabetang-betang it Ampuꞌang Diyus.

Mga Binwat 3:14

Talagang diyaꞌga mi kanya ngaytu nga mataldeng baw alaid kat muꞌsang kasalaꞌan, ka iyan i inangut mi nga paliꞌwanen, esang taw nga mangingimatay.

Mga Binwat 4:27

Kayti, sini nat Jerusalem ngayni, miyabut nga matuud i inampang ngayti ni David, ka ungayni ga, namagꞌupa-upakaten nga matuud i adiꞌ nga si Herodes baw gubirnadur nga si Poncio Pilato, pati kadakel it mga taw, Judio baw ega Judio, nga kuntraꞌ kat piniliꞌ baw ipiyasiguru mu nga manigsirbi nga si Jesus nga alaid kat muꞌsang kasalaꞌan.

Josue 5:10

Iyan duꞌun paꞌ ngayti it Gilgal nga duꞌun it daranasan it Jerico i mga Israelita ngayti, binwat nira siꞌ i Pistaꞌ it Tiyaꞌliban it ikasang puluꞌ may epat nga aldaw it uꞌna ngayting bulan.