Exodo 12:51 - Tagbanwa

⁵¹ Kat iti nagang aldaw, ipiyaliꞌwan it AMPUꞌANG DIYUS i mga Israelita duꞌun it Egipto.

Exodo 12:51 Iomraidhean Croise

Genesis 50:24

Iyan atnakayti i kagurang ni Jose, maat yat mga sulsug ya ngayti, “Siguru daꞌku naytu paꞌlayen situt banwa. Temed maski na, ayaw kamut kasusa ka tarimaen kamu naga it Ampuꞌang Diyus, baw paꞌuliꞌen kamu naga duꞌut banwa nga isiyanggup it Ampuꞌang Diyus it mga apuꞌ ta nga si Abraham baw si Isaac, atnagay amaꞌ ta ngaytu nga si Jacob.”

Exodo 12:50

Ta, siyunud nga matuud it muꞌsang mga Israelita i kumpur ipiyagꞌurdin ngayti it AMPUꞌANG DIYUS nga inusay ngayti na Moises, duwa ni Aaron.

Exodo 16:1

Ega naga naꞌlay i mga Israelita duꞌut Elim ngayti, namagpanaw siꞌ. Ikasang puluꞌ may lima na nga aldaw it ikadwang bulan garing it pagliꞌid nira duꞌut Egipto, nakaꞌbut sira duꞌut kapupuyangtan nga rugar nga pagpangaranat Sin, nga duꞌut piyagtengaꞌan it Elim baw Sinai.

Exodo 19:1

Iyan ikatlu nang bulan garing it liminꞌid i mga Israelita duꞌut Egipto, nakaꞌbut sira duꞌun it rugar nga kapupuyangtan nga duꞌut Sinai.

Exodo 3:8

Aypaꞌ nanlampud aku ka iribri ku sira kat alima it mga taga Egipto. Ipaliꞌwan ku sira duꞌun it banwa ngayti bawnga iduꞌlung ku sira duꞌun it banwa nga malayaw baw magayeng lugtaꞌ, baw bastanti i muꞌsang bagay. Ituy banwa it mga Cananeo, Heteo, Amorreo, Perezeo, Heveo baw Jebuseo.

Exodo 6:6

Aypaꞌ, ituy iꞌaat mu it mga Israelita. Aaten mu nga maat ku, ‘AMPUꞌANG DIYUS aku nga matuud. Talagang iribri ku kamu kat pakuriꞌ it mga taga Egipto. Ipatanud ku it mga taga Egipto ngaytu i beꞌgat it alima ku. Rigaen ku talaga sira. Temed iyan kamu, ipaliꞌwan ku na kamu kat panguripen nira it imyu.

Exodo 7:4

temed talagang ega payan pagneg kanya it imyu. Aypaꞌ ka ipatanud ku talaga it kanira i beꞌgat it alima ku. Talagang ega basta-bastay masalapuꞌ it mga taga Egipto nga panriga ku it kanira, bawnga paliꞌwanen ku na kamu duꞌun, kamu nga mga taawan ku nga mga Israelita.

Mga Binwat 13:17

Naꞌrutan tami na nga Ampuꞌang Diyus it bangsa tami nga Israel, piniliꞌ yay mga kiyaꞌapuꞌ-apuꞌan ta baw piyadakel ya sira, iyan nagpakibanwa sira duꞌut Egipto, baw inildawan ya sirat dakulang kagayenan. Bawnga, kat keseg it guna ya, ipiyaliꞌwan ya sira kat pagkaꞌuripen nira duꞌun.

Josue 24:5

Miyabut i timpu nga tiyaꞌeg ku si Moises baw si Aaron baw kat mga ipiyabwat ku nga mga kalililuꞌang bagay, piyakuriꞌan kut ega teꞌe-teꞌeng nga pakuriꞌ i mga taga Egipto. Baw ipiyaliꞌwan ku i bangsa mi duꞌun.

Judas 1:5

Aypaꞌ maski maat magkaꞌrutan mi nagaytu, ireg ku naga nga ipademdem it imyu nga, lamang ipiyagribri it Ampuꞌang Diyus i mga Israelita kat pagkaꞌuripen nira duꞌun it Egipto, temed piyuuꞌ ya nagay beken nga kaꞌibaan nira nga egay pamayaꞌ baw pagsarig it kanya.