Exodo 12:3 - Tagbanwa

³ Isugid mi duꞌut kadakel it mga Israelita, nga itu na ngaytu i buwaten nira kat ikasang puluꞌ na nga aldaw it uꞌna ngaytung bulan. Kada lalaki, misiꞌ kanya it esang uꞌuybun nga tupa, nga sang siraan na magꞌaꞌanak i pagꞌargan kaytu. Kada sang kabalayan, sangbat nga uꞌuybun it tupa.

Exodo 12:3 Iomraidhean Croise

Genesis 22:8

Maat i tubag ni Abraham, “Ampuꞌang Diyus nay baalaꞌ. Kanya na i megay it aten.” Seked na kayti i ingkut ni Isaac. Sigi-sigi nang panaw nira.

Genesis 4:4

Ki Abel, nagbuwat gasiꞌ. Anak nat mga pagꞌeperan ya ngayti i pinsiꞌan ya. Tabaꞌ, nga piyakamagayeng bagiꞌ kat bilug it ramu-ramu, i giyamit ya. Nasagyaan it AMPUꞌANG DIYUS si Abel baw kanya ngayti nga pasalamat.

Exodo 12:2

“Itu ngaytu nga bulan i ipabetang mi nat uꞌnang bulan it sang taꞌun.

Exodo 12:21

Tiniꞌmes na ni Moises i mga ginuꞌu it mga Israelita ka inaat ya na sira. Maat ya, “Buwaten mi, mamiliꞌ kamu it mga uꞌuybun it tupa u kambing. Mapiliꞌ mi ngaytu, imatayen mi ka kaꞌnen mi nga sang anakan. Mga uꞌuybun ngaytu nga ipanalisi, ipagpistaꞌ tami it Tiyaꞌliban ngaytu it AMPUꞌANG DIYUS.

Exodo 12:4

Temed iyan mga pamalay-balay nga kurang i mga taw duꞌun ka ega maꞌubus niray sangbat nga tupa, kaꞌilangan magsagpu-sagpunun na lamang sira duꞌut in aring balay i kurang gasiꞌ isaꞌun sangbat ngayti, maꞌubus. Kidar-kidaren mi it magayen isaꞌun tamaꞌ i kadakel it kumaꞌen it kada uꞌuybun nga tupa.

Exodo 12:6

Arigraen mi nat magayen seked it ikasang puluꞌ may epat nga aldaw it bulan ngaytu. Bawnga in magsedep nay aldaw it iti nga aldaw, imatayen na sira it kadakel it mga Israelita.

Exodo 20:19

Baw inupakat nira si Moises, nga maat nira, “Ikaw na i mampang, pagneg kami yan. Ega na Ampuꞌang Diyus ngayan, ka barang matay kami!”

Exodo 4:30

Pagkatingped nira, muꞌsa ngayti nga inaat it AMPUꞌANG DIYUS it ki Moises, isiyugid na ni Aaron it kanira. Bawnga minwat na kanya it mga kalililuꞌang bagay duꞌut adapan nira nga muꞌsa.

Exodo 6:6

Aypaꞌ, ituy iꞌaat mu it mga Israelita. Aaten mu nga maat ku, ‘AMPUꞌANG DIYUS aku nga matuud. Talagang iribri ku kamu kat pakuriꞌ it mga taga Egipto. Ipatanud ku it mga taga Egipto ngaytu i beꞌgat it alima ku. Rigaen ku talaga sira. Temed iyan kamu, ipaliꞌwan ku na kamu kat panguripen nira it imyu.

Juan 1:29

Pagꞌeyag it aldaw, nalawag ni Juan si Jesus nga magꞌelep duꞌun it kanya. Pagkalteg ya, maat ya, “Wayan na, kanya nga ibinggay it Ampuꞌang Diyus, nga subuk uꞌuybun it tupa nga ipagsalisi, sabap kanya na ngayan i mangawaꞌ it kasalaꞌan it mga katataawan.

Juan 1:36

Naltegan ya siꞌ si Jesus nga magpanaw. Pagkalteg ya, maat ya, “Wayan siꞌ kanya nga ibinggay it Ampuꞌang Diyus, nga subuk uꞌuybun it tupa nga ipagsalisi.”

Juan 12:1

Kaꞌnem mana pistaꞌ na it Pistaꞌ ngaytit Tiyaꞌliban, miyabut siꞌ si Jesus duꞌun it Betania nga lansangan ngayti ni Lazaro nga inggen yat paꞌuliꞌ.

Juan 12:12

Pagkadedelman dakel i taw nga duꞌut pistaꞌan ngayti nga duꞌut Jerusalem nga nakaꞌrut nga magpapaJerusalem si Jesus.

1 Corinto 5:7

Eeꞌ baꞌ, awaꞌen mi na i muꞌsang adat mi nga kuntraꞌ kat kaꞌirgan it Ampuꞌang Diyus isaꞌun mabaꞌgu nay pangaꞌgenan mi. Ka daꞌga baꞌ, pabetang it Ampuꞌang Diyus it imyu, mga taw na nga ega nay kakasalaꞌan? Atkaytu i pabetang yat aten sabap it pamayaꞌ tat ki Cristo, kanya nga ipiyasbung it tupa nga isiyalisi isaꞌun taꞌliban tat panriga it Ampuꞌang Diyus sabap it mga kasalaꞌan tami. Ituꞌun ngaytu, pagtuman it pagpapuntuꞌan ngayan it Pistaꞌ namen nga mga Judio it tagnaꞌ nga pagpangaranan it Tiyaꞌliban.

Josue 7:14

Aypaꞌ dedelem kaꞌilangang madap kamut aken, kada sang kuyunang mga tungtung-inapuꞌ ni Israel. Iyan kuyunan nga itulduꞌ kut imu, buwaten mu, ipapinpin muy kada sang kaꞌanak-anakan. Bawnga iyan kaꞌanak-anakan nga itulduꞌ ku, ipapinpin i mga sang anakan. Bawnga atkayan naga seked it mataw nay taw.

Mga Ipiyalteg 13:8

Aypaꞌ sambaen kanyat muꞌsang katataawan situt sinirungat langit, puyrat iyan mga taw nga, parabir giyuna i banwa, mamagsusurat na i mga ngaran nira duꞌun it pagsusuratan it mga ngaran it kumpur mabgayan it kaꞌgenan nga egay kaskedan. Itung kasuratan, pagꞌaꞌarigraen it paꞌaaten nga Uꞌuybun It Tupa nga inimatay it tagnaꞌ.