Exodo 12:23 - Tagbanwa

²³ Ka in manlekep-lekep nay AMPUꞌANG DIYUS it muꞌsang Egipto, ka pangimatayen ya nay kumpur panganay it mga taga Egipto, basta maltegan ya nga may magpapaꞌid nga duguꞌ duꞌun it salakwatan, taꞌliban yay iyan nga balay. Ega palugtan ya it semled i anghil nga mamumuuꞌ.

Exodo 12:23 Iomraidhean Croise

Exodo 11:4

Aypaꞌ parabir gimnaring si Moises duꞌut adapan it adiꞌ ngayti, maat ya it kanya, “Itu pay ipagpasugid it AMPUꞌANG DIYUS it aken situt imu. Magꞌaat nga, ‘Mga lubuk it delem manlekep-lekep aku it banwa nga Egipto.

Exodo 12:7

Pagkaꞌimatay nira, buwaten it kada esa, manu it duguꞌ ka paꞌidan i ayun kat dibwat nga papasꞌanan it talaꞌep baw tukdug nga duwa nga piyakpetan it talaꞌep baw kat aꞌabriyan ya, in ari-aring balay i pagkaraꞌnenan kaytu.

1 Corinto 10:10

Ega gasiꞌ mamasul kamu, nga subung it binwat gasiꞌ it beken nga mga kaꞌibaan nira, nga egay beken nga liꞌwan ya, piyuuꞌ sira it anghil nga mamumuuꞌ.

Hebreo 11:28

Sabap gasiꞌ it pamayaꞌ ya it inaat it Ampuꞌang Diyus, ipiyagꞌurdin ni Moises nga paꞌidan it duguꞌ i mga salakwatan it mga balay nira isaꞌun ega imatayen it Anghil nga Mamumuuꞌ i mga panganay nirat kanira nga mga Israelita. Baw garing it iting aldaw ipiyapanaw ya i Pistaꞌ it Tiyaꞌliban.

Hebreo 12:24

Talagang aten nga piyatpadan, si Jesus, nga kanya i nagpapaꞌgen it Baꞌgu ngaytung Pakiꞌupakat, baw duguꞌ ya nga subuk ipiniꞌtik yat aten. Yay subrang may kapulusan, subraꞌ paꞌ it duguꞌ ngayti ni Abel nga magꞌangut lamang it kablesan.

Mga Ipiyalteg 7:3

Maat ya, “Ega mi daꞌan ranggaꞌen i lugtaꞌ, dagat baw talun. Elaten mi nga maꞌimandaꞌanan i peges it mga manigsirbi it Ampuꞌang Diyus tami.”

Mga Ipiyalteg 9:4

Takaꞌ ipiyagbenge-bengel it kanira nga ega ranggaꞌen niray mga dikut, mga kayu u maski unu nga mga luwak. Iyan lamang, mga taw nga egay imandaꞌan it Ampuꞌang Diyus kat mga peges nira i pakuriꞌan it mga apan ngayti.