Exodo 12:22 - Tagbanwa

²² Baw itu pay beken nga buwaten mi, manu kamu it pungru-pungru it isopo, ka itu ngaytu, itulsuk mi duꞌut duguꞌ it inimatay mi ngaytu nga uꞌuybun nga magbebtang duꞌut karung bawnga paꞌidan mi nay ayun kat dibwat nga papasꞌanan it talaꞌep baw tukdug nga duwa nga piyakpetan it talaꞌep baw kat aꞌabriyan ya. Kaꞌilangan egay maski siyu it imyu nga manliꞌwan basta ega paꞌ maꞌyag.

Exodo 12:22 Iomraidhean Croise

Exodo 12:7

Pagkaꞌimatay nira, buwaten it kada esa, manu it duguꞌ ka paꞌidan i ayun kat dibwat nga papasꞌanan it talaꞌep baw tukdug nga duwa nga piyakpetan it talaꞌep baw kat aꞌabriyan ya, in ari-aring balay i pagkaraꞌnenan kaytu.

Mateo 26:30

Pagkatupus ni Jesus it pagꞌampangen ya ngayti, namagkantaꞌ sirat sangbat, bawnga napanaw na sira ka paꞌaduꞌun it Mungsuꞌ it Olibo.

Hebreo 11:28

Sabap gasiꞌ it pamayaꞌ ya it inaat it Ampuꞌang Diyus, ipiyagꞌurdin ni Moises nga paꞌidan it duguꞌ i mga salakwatan it mga balay nira isaꞌun ega imatayen it Anghil nga Mamumuuꞌ i mga panganay nirat kanira nga mga Israelita. Baw garing it iting aldaw ipiyapanaw ya i Pistaꞌ it Tiyaꞌliban.

Hebreo 12:24

Talagang aten nga piyatpadan, si Jesus, nga kanya i nagpapaꞌgen it Baꞌgu ngaytung Pakiꞌupakat, baw duguꞌ ya nga subuk ipiniꞌtik yat aten. Yay subrang may kapulusan, subraꞌ paꞌ it duguꞌ ngayti ni Abel nga magꞌangut lamang it kablesan.

Hebreo 9:1

Ta kat tagnaꞌ ngayting pakiꞌupakat may mga urdin naga nga pagsunudun it mga taw kat pagsamba nira, baw may balay nga yay papagsambaan nira situt banwa.

Hebreo 9:14

Ta in atkayan, subraꞌ nga may kapulusan it duguꞌ ni Cristo nga piyaturuꞌ ya! Sabap kat keseg it Espiritu Santo nga egay kamataynen ipiyagbegay ya i ginawa ya, kanya nga egay maski unu nga maꞌiway u kakurangan kat panleteg it Ampuꞌang Diyus. Duguꞌ ngaytu ni Cristo i magkalimpiyuꞌ it nakem tami kat muꞌsang karaꞌe-raꞌetan nga binwat, nga yay magtaban it taw kat kamatayneng panriga nga egay kaskedan. Aypaꞌ kayti, pagsirbiyan ta nat masagyay nakem i Ampuꞌang Diyus nga egen it egay kaskedan.

Hebreo 9:19

Ka iyan nakapaꞌyag na ni Moises duꞌut kadaklan it mga taw i kaꞌyagan it kada urdin, minsiꞌ na kanyat duguꞌ it bakaꞌ baw kambing, duguꞌ nga may ragiꞌ na nga danum. Miyanu gasiꞌ it bulbul it tupa nga liyuuꞌ it madarag, idiyuꞌun yat pungru-pungru it isopo, bawnga itiyaꞌen duꞌut duguꞌ ngayti, ka wiyaswasan ya i kadaklan it taw baw pagsusuratan yat mga urdin ngaytit Ampuꞌang Diyus.

Josue 2:19

Iyan manliꞌwan nga garing situt balay mu ngaytu, in maꞌimatay, ega nay panubagan namen kayan. Temed iyan i panubagan namen, in may maꞌimatay nga situt seled it balay mu ngaytu.

1 Pedro 1:2

Kamu ngaytu, piniliꞌ it Diyus Amaꞌ uyun naga kat pagnanakmen ya na nga lagi baw nakapabetang-betang ya garing paꞌ it katagnaꞌ-tagnaꞌan. Piniliꞌ ya kamu isaꞌun kat keseg it Espiritu Santo nga magsasarum kat bilug mi, buwaten kamu nga masiyunudun it ki Jesu-Cristo, nga napasinsiya nay mga kasalaꞌan mi sabap it ipiyaturuꞌ nga duguꞌ ya. Ipagpanalangin ku nga sana magbastanti nga pirmi asat imyu i ildaw baw kaꞌimbengan it nakem nga ipagbegay it Ampuꞌang Diyus.