Exodo 12:21 - Tagbanwa

²¹ Tiniꞌmes na ni Moises i mga ginuꞌu it mga Israelita ka inaat ya na sira. Maat ya, “Buwaten mi, mamiliꞌ kamu it mga uꞌuybun it tupa u kambing. Mapiliꞌ mi ngaytu, imatayen mi ka kaꞌnen mi nga sang anakan. Mga uꞌuybun ngaytu nga ipanalisi, ipagpistaꞌ tami it Tiyaꞌliban ngaytu it AMPUꞌANG DIYUS.

Exodo 12:21 Iomraidhean Croise

Exodo 12:11

Ta, atkaytu na i kabetangan mi it magkaraꞌnen. Magpapakay kamu na nga lagi it pamamanaw nga pakayan. Magtatalumpaꞌ na baw pagseskelen nay sungkud. Dali-daliꞌen mi it kumaꞌen. Pangaran it itu nga pagkaraꞌnen, Tiyaꞌliban it AMPUꞌANG DIYUS.

Exodo 12:3

Isugid mi duꞌut kadakel it mga Israelita, nga itu na ngaytu i buwaten nira kat ikasang puluꞌ na nga aldaw it uꞌna ngaytung bulan. Kada lalaki, misiꞌ kanya it esang uꞌuybun nga tupa, nga sang siraan na magꞌaꞌanak i pagꞌargan kaytu. Kada sang kabalayan, sangbat nga uꞌuybun it tupa.

Exodo 17:5

Maat i tubag it AMPUꞌANG DIYUS, “Pabayaꞌ ka it pirang kataawan nga ginuꞌu it mga Israelita, ka muꞌna i panaw mi it kadakel it mga taw. Tabanen muy sungkud mu ngayan nga ipiyagpakpak mu it danum nga Nilo. Mapanaw kamu na.

Exodo 19:7

Aypaꞌ nanadsad na si Moises, bawnga binwat ya, tiningped yay muꞌsang mga ginuꞌu it mga Israelita. Pagkatingped, ipiyagsugid ya it kanira i muꞌsa ngayti nga ipiyagꞌurdin it AMPUꞌANG DIYUS it kanya.

Exodo 3:16

Mapanaw ka na. Pagꞌabut mu, tingpeden mu i mga ginuꞌu it mga Israelita. Iꞌaat mu it kanira nga nagpakikita aku it imu, aku nga AMPUꞌANG DIYUS ni Abraham, ni Isaac baw ni Jacob. Nagpakikita aku sabap magkaltegan ku i pakuriꞌ it kanira it mga taga Egipto.

1 Corinto 10:4

Atkayan naga i maꞌinum nira. Subung nagat kaꞌsa ngayti nga piyabugasꞌas i danum duꞌun it batu nga duꞌut Horeb. Batu ngayti, ladawan ni Cristo ngaytu nga bilang keseg nira nga magꞌiba-iba baw magtatarima nga pirmi it kanira.

Hebreo 11:28

Sabap gasiꞌ it pamayaꞌ ya it inaat it Ampuꞌang Diyus, ipiyagꞌurdin ni Moises nga paꞌidan it duguꞌ i mga salakwatan it mga balay nira isaꞌun ega imatayen it Anghil nga Mamumuuꞌ i mga panganay nirat kanira nga mga Israelita. Baw garing it iting aldaw ipiyapanaw ya i Pistaꞌ it Tiyaꞌliban.

Josue 5:10

Iyan duꞌun paꞌ ngayti it Gilgal nga duꞌun it daranasan it Jerico i mga Israelita ngayti, binwat nira siꞌ i Pistaꞌ it Tiyaꞌliban it ikasang puluꞌ may epat nga aldaw it uꞌna ngayting bulan.