Exodo 12:16 - Tagbanwa

¹⁶ Uꞌnang aldaw it pistaꞌ ngaytu, nga yay magsunud it kiyaꞌen nay uꞌuybun it tupa ngayti, magtiꞌmes-tiꞌmes kamu nga muꞌsa nga sumamba it aken. Atkayan nagay buwaten mi kat ikapitung aldaw it pistaꞌ. Baw beken, seledat pitu ngaytung aldaw, egay pagbuwaten mi nga maski unu nga buwat, in daꞌga magsimpan lamang it pagkaꞌnen.

Exodo 12:16 Iomraidhean Croise

Exodo 16:23

Ipiyaꞌyag ni Moises it kanira, nga maat ya, “Ituy ipiyagꞌurdin it AMPUꞌANG DIYUS. Dedelem magpaꞌna tami nga muꞌsa ka Aldaw nat Kapaꞌnaan, nga ipagpabetang it AMPUꞌANG DIYUS nga ega basta-bastang aldaw. Aypaꞌ ilutuꞌun mi na kayti i kumpur ireg mi nga kadakulat kaꞌnen, in unuy ireg mi nga pangilutuꞌ, in laꞌgaꞌen u in palaꞌyaban it init. Iyan maꞌpedan, idawaꞌ mi lamang nga areg mi it dedelem.”

Exodo 16:29

Dedemdemen mi nga aku nga AMPUꞌANG DIYUS i nagbegay it imyu it Aldaw ngaytut Kapaꞌnaan. Aypaꞌ kat ikaꞌnem nga aldaw, pagbegayan ku kamu it pangaꞌen nga kasuwituꞌ it imyu it seledat duwang aldaw, ka ikapitu ngaytu nga aldaw, egay magliꞌi-liꞌid kat balay ya.”

Exodo 16:5

Ikaꞌnem nga aldaw it kada lingguꞌ, dubliyen nira i pagkuꞌmiten nira, ega lamang subuk pagkuꞌmiten nirat kaꞌlay, bawnga simpanen nira parabir idawaꞌ.”

Exodo 20:10

Ikapitung aldaw, Aldaw na it Kapaꞌnaan. Ibagiꞌ mu na it aken nga AMPUꞌANG DIYUS i itung aldaw. Kat ikapitu ngaytu nga aldaw, kuydaw ka kasalya muwat it maski unu nga buwaten mu, pati anak mu, katabang mu, mga ayep mu baw maski ega kabilug mu basta asan kanya it pamalay-balay mu.

Isaias 1:13

Ayaw kamu nat begay it mga ipagsamba ngayan nga pasalamat nga egay kakapulusan, pati kamangyan nga pagꞌantengen mi, ka talagang pagraꞌwayen ku na. Magkaskedan aku nat buwa-buwat mi ngayan nga magtingped kamu in Pistaꞌ it Baꞌgung Bulan baw in Aldaw it Kapaꞌnaan. Sabap basta buwaten mi it egay kakapulusan, maski mga piyakamaꞌal nga pagtingped, kasalaꞌan mi talaga.

Juan 19:31

Iting aldaw pagpangaranat Pagsimpan, ka sumunud nga aldaw, ega basta-bastang Aldaw it Kapaꞌnaan, nga yay kamataan it pistaꞌ ngayti. Ta, it ega ireg it mga Judio nga in patay nay mga iriyansang ngayti, pataꞌnan na lamang duꞌut krus in Aldaw nat Kapaꞌnaan, aypaꞌ ka inupakat nira si Pilato ngayti. Inangut nira nga pamariꞌen i mga aꞌay it mga magraransang ngayti duꞌut krus isaꞌun matay na sirat madaliꞌ baw awaꞌen na sira duꞌun.