Exodo 12:13 - Tagbanwa

¹³ Duguꞌ ngayan nga duꞌun it mga salakwatan it balay mi, iyan i buwaten nga imandaꞌan it duꞌun kamu. Sabap in maltegan ku i duguꞌ ngayan, taꞌliban kuy taw ya sikayan it iyan nga balay. Daꞌkamu kaꞌuyut it buwaten ku ngaytu nga panriga ku it taga Egipto.

Exodo 12:13 Iomraidhean Croise

Genesis 17:11

Pagturiꞌ ngaytu i esang tandaꞌ it pakiꞌupakat kut imyu.

Exodo 12:11

Ta, atkaytu na i kabetangan mi it magkaraꞌnen. Magpapakay kamu na nga lagi it pamamanaw nga pakayan. Magtatalumpaꞌ na baw pagseskelen nay sungkud. Dali-daliꞌen mi it kumaꞌen. Pangaran it itu nga pagkaraꞌnen, Tiyaꞌliban it AMPUꞌANG DIYUS.

Exodo 12:23

Ka in manlekep-lekep nay AMPUꞌANG DIYUS it muꞌsang Egipto, ka pangimatayen ya nay kumpur panganay it mga taga Egipto, basta maltegan ya nga may magpapaꞌid nga duguꞌ duꞌun it salakwatan, taꞌliban yay iyan nga balay. Ega palugtan ya it semled i anghil nga mamumuuꞌ.

Exodo 12:7

Pagkaꞌimatay nira, buwaten it kada esa, manu it duguꞌ ka paꞌidan i ayun kat dibwat nga papasꞌanan it talaꞌep baw tukdug nga duwa nga piyakpetan it talaꞌep baw kat aꞌabriyan ya, in ari-aring balay i pagkaraꞌnenan kaytu.

1 Tesalonica 1:10

Maat paꞌ nira, pagꞌelaten mit maseked-seked i pamaꞌuliꞌ it Anak ya nga si Jesus, kanya ngaytu nga inggen ya it paꞌuliꞌ. Paꞌuliꞌ kanya nga matuud nga garing duꞌun it langit, baw sabap it panribri ya it aten, ega na malabayan tami i magꞌaꞌabut nga iseg it Ampuꞌang Diyus.

Hebreo 11:28

Sabap gasiꞌ it pamayaꞌ ya it inaat it Ampuꞌang Diyus, ipiyagꞌurdin ni Moises nga paꞌidan it duguꞌ i mga salakwatan it mga balay nira isaꞌun ega imatayen it Anghil nga Mamumuuꞌ i mga panganay nirat kanira nga mga Israelita. Baw garing it iting aldaw ipiyapanaw ya i Pistaꞌ it Tiyaꞌliban.

Josue 2:12

Ta kayti, ipagpakiꞌupakat kut imyu nga beteꞌ isanggup mi kat ngaran it AMPUꞌANG DIYUS nga tabangen mi i ameng bilug, subung naga it pagtabang ku ngaytu it imyu, baw begayan mi aku it esang keseg it may piyagꞌupakatan tami ngaytu.

Josue 2:18

Pagpaꞌuliꞌ namen situ nga sakpen namen nay itung siyudad, iꞌanu muy madarag ngaytung lubid asat lalawagan ngayang palampudan mut amen kayti, ka yay imandaꞌan, baw tingpeden mu situt balay mu i muꞌsang mga kaduguꞌan mu pati mga kaꞌanakan nira.

1 Juan 1:7

Temed in pirmi ta nga magpangaꞌgenan uyun kat kaꞌyagan, nga alaid kat kasalaꞌan, subung nagat Ampuꞌang Diyus, nga kanya, purus kat kaꞌyagan talaga, magayen talagay pakiꞌiba-iba tami nga magpamayaꞌ it kanya. Baw iyan timnuruꞌ nga duguꞌ ni Jesus nga Anak ya, paglimpiyuꞌun ya kita, ka pagꞌawaꞌen yay muꞌsang kasalaꞌan ta.