Exodo 12:12 - Tagbanwa

¹² Kat iti naga nga delem, lekpen ku na i banwa nga Egipto. Imatayen ku nay kada panganay nira, taw, ramu-ramu, baw betanganan ku na it ukuman i muꞌsang mga pagbete-beteꞌen nga diyus duꞌun it Egipto. Aku ngaytu i AMPUꞌANG DIYUS.

Exodo 12:12 Iomraidhean Croise

Exodo 12:23

Ka in manlekep-lekep nay AMPUꞌANG DIYUS it muꞌsang Egipto, ka pangimatayen ya nay kumpur panganay it mga taga Egipto, basta maltegan ya nga may magpapaꞌid nga duguꞌ duꞌun it salakwatan, taꞌliban yay iyan nga balay. Ega palugtan ya it semled i anghil nga mamumuuꞌ.

Exodo 18:11

Natantuwan ku kayti nga AMPUꞌANG DIYUS talaga i mabantug, subraꞌ paꞌ it maski unu nga beken nga pagkilalaen nga diyus. Ka lamang ereꞌeret i pataꞌas-taꞌas it mga taga Egipto ngayti nga simnarit pakuriꞌ it mga Israelita, temed diyaꞌeg sira nga banar it AMPUꞌANG DIYUS.”

Exodo 6:2

Miyampang siꞌ i Ampuꞌang Diyus. Maat yat ki Moises, “AMPUꞌANG DIYUS aku nga matuud.

Exodo 9:6

Ta pagsunud nga aldaw, tiyuman nga matuud it AMPUꞌANG DIYUS. Simnari nat patay i muꞌsang mga ayep it mga taga Egipto nga duꞌut pagpasturan. Temed egay miyatay nga maski sangbat nga mga ayep it mga Israelita.