Exodo 11:3 - Tagbanwa

³ Piyanakman it AMPUꞌANG DIYUS i mga taga Egipto ngayti nga galangen nira i mga Israelita. Baw yay matuud, si Moises ngayti, pagbantu-bantugun na it muꞌsang mga taga Egipto, pati mga katimbang it adiꞌ ngayti.

Exodo 11:3 Iomraidhean Croise

Genesis 12:2

Ka ituy sanggup ku it imu. Buwaten ku ikaw nga esang dakulaꞌ nga bangsa, baw pagꞌildawan ku ikaw nga pirmi. Buwaten ku nga mabantug i imung ngaran baw buwaten ku ikaw nga panggaringan it maꞌildawan i beken.

Genesis 39:21

Temed talagang pagtatarimaen nga pirmi it AMPUꞌANG DIYUS si Jose ngayti, baw sabap it ildaw it AMPUꞌANG DIYUS, magayen nagay pabetang it magpamaalaꞌ it pirisuwan it ki Jose.

Exodo 12:35

Siyunud gasiꞌ it mga Israelita i beken nga inaat ni Moises ka miyangut sira duꞌut mga taga Egipto it mga bagay nga bulawan baw pirak i binwat, baw pakayan gasiꞌ.

Exodo 12:36

Piyagalang it AMPUꞌANG DIYUS i mga taga Egipto it mga Israelita, aypaꞌ kumpur inangut, ipiyagbegay nira. Subuk riyangpasan i mga taga Egipto.

Exodo 3:21

Beken paꞌ nga inaat it Ampuꞌang Diyus ngayti, “Panakman ku i mga taga Egipto nga magmaꞌatag sira isaꞌun pagpanaw mi, may mataban mi nga begay nira.

Mga Binwat 7:22

Aypaꞌ, pagdakulaꞌ ni Moises ngayti, tiyulduꞌan kanya it muꞌsang inadalan it mga mapipikir nga taga Egipto. Mabantug kanya kat pangangampangan baw buwat.

Josue 4:14

Kat iting aldaw binwat it AMPUꞌANG DIYUS si Josue nga ega babasta-bastaen kat mata it kadakel ngayti, aypaꞌ ka mintras egen si Josue, paggalangen kanya it mga kaꞌibaan ya ngayti, subung nagat paggalang nira it ki Moises.

Mga Ipiyalteg 3:9

Pagnegan mit magayen i iꞌaat kut imyu. Paꞌadapen kut imyu i mga taw ngayan asan nga maꞌambut ka magbete-beteꞌ nga mga taawan ku sira temed yay matuud, sang siraan yan nga magsirbi it ki Satanas. Pasaluduꞌun ku nga manluud sira kat adapan mi. Sikayan maꞌrutan nira nga talagang pagmaꞌalen baw pagrarasan ku kamu.