Exodo 11:1 - Tagbanwa

¹ Takaꞌ iyan nakaꞌaat na nga lagi it AMPUꞌANG DIYUS it ki Moises ngayti nga magꞌaat, “Esa mana i kakuriꞌan nga ipapanaw ku duꞌut adiꞌ ngayan baw kat mga sinakepan ya nga mga taga Egipto. Pagkatiwas kaytu, talagang palꞌiden ya nayan kamu. Yay matuud, ega desang ipalugut ya, in daꞌga talagang pangimugawun kamu nayan.

Exodo 11:1 Iomraidhean Croise

Genesis 15:14

Temed iyan banwa ngayang muripen it kanira, talagang rigaen ku. Garing sikayan makaliꞌwan na sira. Limiꞌwan sirat may dakulang kamanggadan.

Exodo 12:29

Ta desang lubuk it delem, inimatay na nga matuud it AMPUꞌANG DIYUS i mga panganay duꞌut Egipto, garing it anak nga panganay it adiꞌ ngayti seked it panganay it maski pirisu duꞌut pirisuwan, pati panganay it mga ayep, uyut gasiꞌ.

Exodo 3:20

Aypaꞌ ipamuya ku it kanya i keseg it guna ku. Padnaꞌan ku i mga taga Egipto it kalililuꞌang mga bagay. Pagkatiwas kayan, ipalugut ya nayan kamu nga magliꞌid.”

Exodo 6:1

Ta it atkayti, maat it AMPUꞌANG DIYUS it ki Moises, “Maltegan mu na kayti in unuy buwaten ku it adiꞌ ngayan. Egaytu desang mapaskedan ku kanya it palugut it imyu nga mapanaw, in daꞌga talagang regesen ku nga pangimugawun ya na kamu.”

Exodo 9:14

Temed in ega paꞌ ipalugut mu, magꞌindadangep nayan it talagang mabeꞌgat i ibetangan ku it imu, pati mga taawan mu baw kapuꞌsaan it mga sinakepan mu nga mga taga Egipto. Atkaytu i buwaten ku isaꞌun maꞌrutan mu nga egay maski siyu nga kasbung it aken.

Mga Ipiyalteg 16:9

Ta unupat inseb nang matuud i katataawan, sabap it talagang subraꞌ na nga kasgaꞌ, aypaꞌ diniyampaꞌ niray Ampuꞌang Diyus nga nagpapanaw it mga kakuriꞌan ngayti. Talagang tinmed nira nga daꞌsira magsinguliꞌ baw mangindiꞌ it mga kasalaꞌan nira baw daꞌsira magbantug it Ampuꞌang Diyus.