Exodo 10:26 - Tagbanwa

²⁶ Yay matuud, tabanen namen nagay muꞌsang mga ayep namen, egay ipaꞌped. Ka in sumamba kami, kaꞌilangan may antengen namen duꞌun it AMPUꞌANG DIYUS, temed ega paꞌ magkaꞌrutan namen in ari manggid i mapakay ya. Maꞌrutan namen mana in duꞌun kami na.”

Exodo 10:26 Iomraidhean Croise

Exodo 10:25

Temed maat i tubag ni Moises, “Kaꞌilangan naga nga ipalugut mu it amen, sabap kaꞌilangan may antengen nga ipagsamba namen duꞌun it AMPUꞌANG DIYUS namen.

Exodo 10:9

Timnubag si Moises, nga maat ya, “Muꞌsa kami nagay mapanaw, mangaꞌwaꞌen, magugurang, babay, lalaki, pati mga ayep namen, sabap it magpistaꞌ kami, nga pistaꞌan namen i AMPUꞌANG DIYUS.”

Exodo 12:32

Tabanen mi naga i muꞌsang mga ayep mi. Sigi, mapanaw kamu na. Baw ipanalangin mi naga aku duꞌut AMPUꞌANG DIYUS nga ildawan ya naga aku.”

Exodo 8:27

Aypaꞌ kaꞌilangan mapanaw kami seledat tulung aldaw, duꞌut rugar nga kapupuyangtan. Bawnga duꞌun i sambaan namen it AMPUꞌANG DIYUS namen, nga subung it ipiyagꞌurdin ya.”

2 Corinto 8:5

Baw subraꞌ paꞌ kat pagꞌiꞌinawaren namen i binwat nira, ka ega lamang nagbegay it atkayang kadakulat pirak in daꞌga, uyun kat kaꞌirgan it Ampuꞌang Diyus, matuud na nga ipiyasiguru nira daꞌan i sadili nira, uꞌnay duꞌun it Ampuꞌan, bawnga situt amen gasiꞌ.

Hebreo 11:8

Ta, sabap gasiꞌ it pamayaꞌ baw pagsarig ya it Ampuꞌang Diyus, siyunud ni Abraham i inaat it Ampuꞌang Diyus it kanya nga paꞌugad duꞌun it ipasadilit kanya nga rugar. Talagang ega diyaꞌga ya maski egay uru-urut ya pasar it rugar ngayti nga paꞌaduꞌunan ya.