Exodo 10:23 - Tagbanwa

²³ Daꞌgay uru-urut it sang kataawan it iba ya, aypaꞌ seledat nakatlu ngayti egay liꞌi-liꞌid nira. Temed maꞌyag i duꞌut rugar ngayting pagtataꞌidan it mga Israelita.

Exodo 10:23 Iomraidhean Croise

Exodo 14:20

Yanayti i bilang miyarbeng duꞌut piyagtengaꞌan it mga taga Egipto baw mga Israelita. Ayun duꞌut mga taga Egipto ngayti, nagpintut it pandele-delem, beken it delem na. Temed ayun duꞌut mga Israelita ngayti, atnang pangeya-eyag ka sugu naga it kunum ngayti. Ta it atkayti, ega nakapatpad i mga taga Egipto ngayti duꞌun it mga Israelita.

Exodo 7:25

Pitu nang aldaw i timnaꞌlib garing it ipiyaꞌatkayti it AMPUꞌANG DIYUS i Nilo ngayti.

Exodo 8:18

Siyukdanan naga gasiꞌ it mga may kepetan ngayti i atkayti, temed egay kaya nira nga pabalyuun nga neknek i kapu-kapu. Talagang magkakuriꞌan i katataawan ngayti, pati mga ramu-ramu, sabap it neknek ngayti.

Exodo 8:19

Ta it atkayti, inaat it mga may kepetan ngayti i adiꞌ, “Itu ngaytung kaꞌulugan, buwat ga it esang diyus nga gunaan.” Temed sigi nga pagmategas it adiꞌ ngayti. Ega naga nagpagneg, subung it inaat ngayti it AMPUꞌANG DIYUS.

Exodo 8:22

Temed kat aldaw ngayan, belag i pabetang ku it rugar it Gosen nga pagtataꞌidan it mga taawan ku. Egay maltegan nga maski sang batu nga langaw duꞌun, isaꞌun maꞌrutan mu nga aku nga AMPUꞌANG DIYUS i magbebegbeg it pati banwa mi ngaytu.

Exodo 9:26

Yamanay ega pinsag it yilu, duꞌut Gosen ngayti nga pagtataꞌidan it mga Israelita.

Exodo 9:4

Temed bidaꞌen ku naga i mga ayep mi baw ayep it mga Israelita. Egay matay nga maski sangbat it kanira nga mga ayep, in daꞌga imyu lamang.

Malakias 3:18

Baw mabut siꞌ nga talagang mamuyaan mi i piyagbelagan it matanaꞌan it mga mataldeng baw mga maraꞌe-raꞌet i adat, iyan mga taw nga mamagsirbi it aken baw ega.”

Colosas 1:13

Ka ipiyagribri ya na kita kat pagsakep it kadleman, baw ipiyagꞌugad ya na kita kat pagsakep it pagmaꞌa-maꞌalen ya nga Anak.

Josue 24:7

Binwat it kagiyaringanan mi ngayti, nangabang sira situt aken, bawnga ipiyabalantang ku i madlem duꞌun it piyagtengaꞌan nirat mga taga Egipto ngayti. Piyataburan kuy mga taga Egipto it dagat nga ipiyadalingding ku. Nataburan sirang muꞌsa. Nataksiꞌan mi naga i binwat ku ngayti it mga taga Egipto, bawnga naꞌlay i taꞌid-taꞌid mi kat rugar nga kapupuyangtan.

1 Pedro 2:9

Temed kamu, mga taw kamu nga piniliꞌ it Ampuꞌang Diyus. Mga adiꞌ kamu kat kaꞌadiꞌan ya, baw mga sasirduti nga magsirbi it kanya. Subung kamu nat esang bangsat taw nga ipiyasiguru it Ampuꞌang Diyus nga talagang kanya na. Piniliꞌ kamu nga mga taawan ya isaꞌun ipatanyag mi i mga kalililuꞌan nga mga buwat ya. Ka kanya i nagpaliꞌwan it imyu kat kadleman it kasalaꞌan isaꞌun mangaꞌgenan kamu kat kaꞌyagan it ega basta-bastang kagayenan ya.