Exodo 10:21 - Tagbanwa

²¹ Aypaꞌ inaat siꞌ it AMPUꞌANG DIYUS si Moises. Maat ya, “Ipatindeg mu siꞌ i alima mu isaꞌun demlem it nagpintut nang nagpintut i muꞌsang Egipto.”

Exodo 10:21 Iomraidhean Croise

Exodo 7:19

Maat siꞌ it AMPUꞌANG DIYUS it ki Moises, “Aaten mu si Aaron nga seklen yay sungkud ya bawnga iptat yay alima ya nga magseskel, ipaꞌayun duꞌut danum it Nilo, bawnga ipabereng-bereng ya isaꞌun magbalyung duguꞌ i muꞌsang danum kat muꞌsang banwa nga Egipto, magburus, magluldung u maski iyan nasarad u nasaꞌyung. Pati nasaꞌgeb na nga duꞌun nat mga sasaꞌgeban nira, baw mga magꞌaꞌalin na duꞌut aꞌalinan nira nga mga guriꞌ, magbalyu naga nga duguꞌ.”

Exodo 9:22

Bawnga pagꞌabut it uras, inaat it AMPUꞌANG DIYUS it ki Moises, “Ipatindeg mu nay alima mu isaꞌun temdag nay yilu nga subuk deset batu duꞌun it muꞌsang Egipto. Tedagan nay mga taw, mga ramu-ramu, pati mga luwak duꞌun it uma.”

Mateo 27:45

Desang nakasakay nat ugtuwan i aldaw, diminlem i banwa, miyabut it kabaling alaid.

Marcos 15:33

Desang nakasakay nat ugtuwan i aldaw, seledat tulung uras diminlem i muꞌsang banwa, miyabut it kabaling alaid.

Lucas 23:44

Bawnga desang nakasakay nat ugtuwan i aldaw, seledat tulung uras diminlem i muꞌsang banwa, miyabut it kabaling alaid.

2 Pedro 2:17

Mga manigtulduꞌ ngaytut kaꞌambutan, taw nga egay kakapulusan. Ka kaꞌalimbawaan nira, naꞌlet na nga tumbud baw kunum nga egay pakinabang ka ipagdedeg it deres. Temed rigaen sirat Ampuꞌang Diyus duꞌun it ipiyagꞌareg yang lagi nga nagpintut nat pandele-delem.

2 Pedro 2:4

Dedemdemen mi tu, nga iyan tagnaꞌ paꞌ, may nagkasalaꞌan nga mga anghil, temed daꞌsira piyataꞌnan it Ampuꞌang Diyus. In daꞌga pinirisu ya sira duꞌun it piyakamalgeb nga siwang. Ta duꞌun paꞌ sira it kadleman ngayti, seked mabut i aldaw nga ipangukuman.

Judas 1:13

Talagang mga taw ngaytu, buwal sira nga subung it langeb in mabakat i dagat. Siging pamkas ya, sigi nagang dagsaꞌ it buraꞌ-buraꞌ baw dikut. Atkayan naga sira, ka kaꞌeyaꞌan i liꞌwan it maraꞌway nga pamagbuwaten nira. Subung baꞌ sira talaga it bituꞌun nga nakalꞌag. Pagꞌaꞌargan sirat Ampuꞌang Diyus it rugar nga egay kaskedang kadleman.

Judas 1:6

Dedemdemen mi gasiꞌ i iyan mga anghil nga daꞌsira naneꞌteꞌ kat ipiyabetang-betang it Ampuꞌang Diyus it kanira nga katengdanan. Daꞌga basaꞌan timnanan sira duꞌun it pagtataꞌidan nira nga sadili? Aypaꞌ ka ipiyabayuk sirat Ampuꞌang Diyus it kadina seked it kaꞌnu-kaꞌnu. Baw pinirisu ya sira duꞌun it kadleman seked it betanganan na sirat ukuman, pagꞌabut it ega basta-basta ngaytung aldaw nga ipangukuman.

Mga Ipiyalteg 8:12

Pagꞌeyep siꞌ it ikaꞌpat ngayting anghil it kanya gasiꞌ ngayti nga taburi, naꞌiguꞌ i ikatlung bagiꞌ it aldaw, bulan baw mga bituꞌun. Aypaꞌ ka nagsipat i ikatlung bagiꞌ it mga eyag nira. Diminlem i ikatlung bagiꞌ it aldawun baw ega gasiꞌ i minyag kat ikatlung bagiꞌ it delemen.