Exodo 10:1 - Tagbanwa

¹ Bawnga inaat siꞌ it AMPUꞌANG DIYUS si Moises. Maat ya, “Paꞌaduꞌun ka siꞌ it adiꞌ, ka ipasigi ku pay pagmategas ya ngayan baw kat mga katimbang ya isaꞌun matuman kuy mga kalililuꞌang bagay nga kubwaten ku duꞌun it kanira.

Exodo 10:1 Iomraidhean Croise

Exodo 10:20

Temed ipiyasigi it AMPUꞌANG DIYUS i pagmategas it adiꞌ ngayti, aypaꞌ ega naga ipiyalugut yay mga Israelita nga mapanaw.

Exodo 3:20

Aypaꞌ ipamuya ku it kanya i keseg it guna ku. Padnaꞌan ku i mga taga Egipto it kalililuꞌang mga bagay. Pagkatiwas kayan, ipalugut ya nayan kamu nga magliꞌid.”

Exodo 7:4

temed talagang ega payan pagneg kanya it imyu. Aypaꞌ ka ipatanud ku talaga it kanira i beꞌgat it alima ku. Talagang ega basta-bastay masalapuꞌ it mga taga Egipto nga panriga ku it kanira, bawnga paliꞌwanen ku na kamu duꞌun, kamu nga mga taawan ku nga mga Israelita.

Exodo 9:12

Temed ta, yanayti, subung nat inaat ngayti it AMPUꞌANG DIYUS nga buwaten ya nga magmategas i adiꞌ ngayti, aypaꞌ pasigi nga pagpasngelan yay pagꞌaaten na Moises, duwa ni Aaron.

Exodo 9:16

Temed ega naga binwat kuy atkayti, in daꞌga ipiyatindeg ku ikaw isaꞌun lamang kat mga buwaten ku it imu, ipatantu ku i keseg it guna ku baw isaꞌun gasiꞌ lemkep it muꞌsang banwa i katanug it ngaran ku.

Exodo 9:27

Aypaꞌ ipiyapisiꞌ it adiꞌ ngayti si Moises baw si Aaron. “Kayti nagkasalaꞌan aku,” maat ya it kanira. “AMPUꞌANG DIYUS i mataldeng. Aku baw mga taawan ku, nagkamaliꞌ kami na.

Juan 12:40

“Binleg ya i mga mata nira baw piyadsen ya i mga ulu nira isaꞌun daꞌsira makalteg u makasepsep, u makapaꞌuliꞌ sira duꞌut kanya isaꞌun nga mapagayen ya sira.”

Roma 9:17

Atkayan naga, mapakay gasiꞌ nga ega ildawan yay beken nga taw, sigun gasiꞌ kat pabetang-betang ya. Ka magsusurat i itung inampang ya duꞌun it esang adiꞌ ngaytit tagnaꞌ duꞌut Egipto nga magꞌaat, “Ipiyatindeg ku ikaw, isaꞌun lamang kat mga buwaten kut imu, ipatantu ku i keseg it guna ku, baw isaꞌun gasiꞌ lemkep it muꞌsang banwa i katanug it ngaran ku.”

Roma 9:18

Aypaꞌ maꞌyag nga pagꞌildawan it Ampuꞌang Diyus i in siyuy ireg ya nga ildawan, baw pagpadsenen yay ulu it iyan ireg ya nga demsen i ulu.