Exodo 1:20 - Tagbanwa

²⁰ Talagang ega magkapaar i pandakel it mga Israelita. Baw yay matuud, mga panday ngayti, inildawan sira it Ampuꞌang Diyus.

Exodo 1:20 Iomraidhean Croise

Exodo 1:12

Temed ta, maski na maat pagpakuriꞌan, magdadakel-dadakel gat meget i mga Israelita ngayti, baw magpanlekep na sira sikayting banwa. Subraꞌ na nga magꞌiꞌlam i mga taga Egipto it mga Israelita ngayti.

Exodo 1:19

Katubag i duwa ngayti, maat nira, “Iyan mga Hebreo nga babay, daꞌsira subung it mga taga Egipto nga babay. Ka makulaꞌsi sira baw marway i kanira nga panganak. Kamatuudan, abutan namen yan, simnakit na.”

Exodo 1:7

Temed kadakel it mga kaꞌanak-anakan ni Israel ngayti nga pagtaꞌwagen nga mga Israelita, talagang magsisigi nay pandakel nira. Banwa ngayti nga piyaꞌandaꞌan nira, magꞌalinaynay na nga matuud, ka magpandakel na sira nga banar seked it talagang dadaklan na.

Mateo 10:42

Talagang in siyu nga megay it maski sang basung danu-danum na lamang nga maꞌinum it esa nga magsunud it aken, maski maat raꞌyat na lamang i paꞌimnun ya ngayti, kamatuudan tu nga iꞌaat kut imyu, nga siguradung tumanggap kanya it tumbas.”

Mateo 25:40

Bawnga aaten ku yan nga Adiꞌ nira, ‘Matuud talagay iꞌaat kut imyu. Iyan binwat mi i mga itu ngaytu kat maski piyakatimawaꞌ nga bilang mga sulsug ku, simpri aku na i binwatan mi.’

Lucas 1:50

Talagang pagsanguꞌan yang banar seked it magtungtung-magꞌinapuꞌ i may iꞌlam nga paggalang it kanya.

Hebreo 6:10

Ka talagang mataldeng i Ampuꞌang Diyus. Ega lipaten ya i mga binwatan mi baw pagmaꞌal mit kanya nga ipiyalteg mi, baw seked kayti ipagpalteg mi paꞌ, kat pagsirbi mit mga kasubung mi nga magpamayaꞌ it ki Jesus.