Exodo 1:17 - Tagbanwa

¹⁷ Temed sabap it may iꞌlam nira it Ampuꞌang Diyus, ega siyunud it mga panday ngayti i ipiyagꞌurdin ngaytit adiꞌ it kanira. Ega naga pagꞌimatayen nira, maski lalaki i sumakit.

Exodo 1:17 Iomraidhean Croise

Genesis 20:11

“Binwat ku bay atkaytu,” tubag ni Abraham, “ka tanud ku, mga taw situ, daꞌgay iꞌlam nga paggalang nirat Ampuꞌang Diyus. Aypaꞌ ka magregen akut barang imatayen aku isaꞌun lamang maꞌagaw i asawa ku ngaytu.

Genesis 42:18

Pagꞌikatlu na, maat ni Jose, “May ipabwat ku it imyu. In masanggupan mi gaytu, egnen kamu naga, ka aku ngaytung taw, may iꞌlam kuytu it Ampuꞌang Diyus.

Exodo 1:18

Aypaꞌ ipiyatawag siꞌ sira it adiꞌ ngayti ka iningkut ya nga magꞌaat, “Unuka ega pagꞌimatayen mi i mga lalaki nga ipagpanganak it mga Hebreo?”

Exodo 1:21

Ka sabap it may iꞌlam nira ngayti it kanya, inildawan ya sira it nagmaꞌanaken sira gasit kanira.

Daniel 6:13

“In maat baꞌ daꞌga, kagalang-galang nga Adiꞌ,” maat nira, “si Daniel ngayan nga kaꞌuyutan it mga dakepan nga taga Juda, ega bay guman-guman yat imu. Ega kat ulu yay ipiyagꞌurdin mu ngaytu. Kamatuudan, ipagpasigi yay panalangin yat tulung bisis it sang aldaw.”

Mateo 10:28

Ayaw kamut iꞌlam it taw nga magꞌimatay it bilug, temed ega magkaꞌimatay it kiyarurwa. Iyan talagay iꞌlaman mi, Ampuꞌang Diyus, nga kanya i magkaranggaꞌ it kiyarurwa baw bilug duꞌun it apuy nga ega magpamu-pamugdaw.

Lucas 12:5

Temed kayti, isugid kut imyu nga in siyuy iꞌlaman mi. Iyan Ampuꞌang Diyus i dapat nga iꞌlaman mi. Sabap kanya, basta baiꞌen yay ginawa mi, may pudir ya paꞌ nga tumalpak it imyu duꞌun it apuy nga egay kapugdawan ya. Eeꞌ baꞌ, kanya talaga i dapat nga iꞌlaman mi.

Mga Binwat 5:29

Temed timnubag si Pedro baw mga kaꞌibaan yang mga apustul. Maat nira, “Dapat nga kaꞌirgan it Ampuꞌang Diyus i sunudun namen, ega kaꞌirgan it taw nga kuntraꞌ kat itiyaꞌeg ya ngaytit amen.