Esdras 5:3 - Tagbanwa

³ Ta, kat iting timpu, miyabut duꞌun it Jerusalem si Tatnai, nga kanyay gubirnadur it muꞌsang rugar kat sedpan nga ayun it kadanuman it Eufrates. Iba ya si Setar-boznai baw may beken paꞌ. Pagkalteg nira it Templo nga pagbuwaten, miningkut. Maat nira, “Siyuy miyurdin it imyu nga buwaten mi i Templo ngaytu baw pagayenen?”

Esdras 5:3 Iomraidhean Croise

Esdras 1:3

Aypaꞌ ka in siyu-siyu nga mga taawan it Ampuꞌang Diyus ngaytu, sana ildawan ya kamu, ka pagpaꞌintulutan ku na kamu nga muliꞌ na duꞌun it Jerusalem nga sakep it Juda, ka ayusun mi naga i Templo nga papagsambaan mi nga balay it AMPUꞌANG DIYUS ngaytu it bangsa mi nga Israel, kanya nga kamatuudan nga Ampuꞌan.

Esdras 5:6

Aypaꞌ ka, binwat it gubirnadur ngayti nga si Tatnai, baw si Setar-boznai baw mga katimbang nira duꞌun, nagpataban sirat surat duꞌun it adiꞌ nga si Dario.

Esdras 5:9

Iningkut namen i mga pagbayaꞌen nira in siyu i miyurdin it kanira nga buwaten niraytu baw pagayenen.

Esdras 6:13

Ta, iting urdin, pagkatanggap it gubirnadur nga si Tatnai, si Setar-boznai, baw mga katimbang nira, siyunud nira nga matuud.

Esdras 6:6

Ta, pagkabasa it urdin ngayti it adiꞌ it tagnaꞌ nga si Ciro, egay beken, nagpataban i adiꞌ ngayti nga si Dario it surat, nga magꞌaat i ipiyagꞌurdin ya, “Tatnai, nga gubirnadur it muꞌsang rugar kat sedpan nga ayun it kadanuman it Eufrates, baw katimbang mu nga si Setar-boznai, baw mga taawan mi, iyanꞌen nga pagbuwaten, ega pasilabtan mi.

Esdras 7:21

Baw kat muꞌsa nga mga manigkepet it pirak kat prubinsiya nga duꞌun it sedpan nga ayun it kadanuman it Eufrates, ipagꞌurdin ku kayti nga egay pagduwa-duwa ibgay mi i kumpur ipabgay it imyu ni Esdras ngaytu nga sasirduti baw manigpaꞌyag it mga urdin it Ampuꞌang Diyus nga duꞌun it langit.

Ageo 1:1

Kat ikadwa na ngayti nga taꞌun it pagꞌadiꞌ ni Dario, iyan uꞌnang aldaw it ikaꞌnem nga bulan, miyabut i ampang it AMPUꞌANG DIYUS duꞌun it prupitaꞌ nga si Ageo. Piyapaꞌaduꞌun ya it anak ni Sealtiel nga si Zorobabel, nga gubirnadur it Juda, baw duꞌun gasiꞌ it anak ni Josadac nga si Josue, nga Piyakamataꞌas nga Sasirduti.

Mateo 21:23

Siminled siꞌ si Jesus duꞌun it Templo. Desang magpanulduꞌ na kanya, minlep duꞌut kanya i mga pagbayaꞌen it mga sasirduti baw mga mataꞌas nga ginuꞌu it mga Judio. Iningkut kanya nga magꞌaat, “Unuy pudir mu nga muwat ka it mga itu ngaytu? Siyuy minggay it imu it itung pudir?”

Mga Binwat 4:7

Pagkatingped nira, ipiyatindeg nira duꞌut adapan nirang muꞌsa i duwa ngayting mga apustul bawnga miningkut sira. Maat nira, “Unuytu nga kiyaꞌrutan i ikiyapagayen mit pilay ngaytu? Siyuy nagbegay it imyu it itung kiyaꞌrutan?”