Esdras 3:8 - Tagbanwa

⁸ Iyan ikadwa na nga bulan it ikadwa nira na nga taꞌun it pagkaꞌuliꞌ nira ngayti duꞌun it Jerusalem nga patindeg it baꞌgung Templo, piyapuꞌnan na niray iting buwaten. Piyanguꞌnaan sira ni Zorobabel nga anak ni Sealtiel, baw ni Jesua nga anak ni Josadac. Katabang nira nga minwat, mga sasirduti, mga Levita, baw muꞌsa nga mga kabanwa nira nga miyuliꞌ naga duꞌun it Jerusalem nga nadakepan ngayti. Iyan mga Levita, gimnaring kat idad nga duwang puluꞌ padibwat, iyan i ipiyatindeg nira nga mamaalaꞌ it buwaten ngayti.

Esdras 3:8 Iomraidhean Croise

Esdras 3:2

Pagkatingped, biyaꞌgu na nira i papangantengan nga pagꞌantengan it mga pagbuwaten nga ipagsamba nira it Ampuꞌang Diyus it bangsa nira nga Israel, uyun kat magsusurat duꞌun it mga urdin nga ipiyaskel it ki Moises nga manigsirbi it Ampuꞌang Diyus it tagnaꞌ. Kat buwat nira ngayti, piyanguꞌnaan sira ni Jesua nga anak ni Josadac, mga kaꞌibaan ya nga sasirduti, baw si Zorobabel nga anak ni Sealtiel, kaꞌuyutan it beken nga mga kaduguꞌan ya.

Esdras 4:24

Aypaꞌ ka napdekan i Templo ngayti nga papagsambaan nirang balay it Ampuꞌang Diyus nga pagbuwaten duꞌun it Jerusalem. Napdekan seked it ikadwang taꞌun it pagꞌadiꞌ ni Dario.

Esdras 4:3

Temed katubag it kanira si Zorobabel, si Jesua, baw mga ginuꞌu ngayti it mga kuyunan, “Ayaw kamut pasilabet it amen ngaytu nga magpatindeg it balay it Ampuꞌang Diyus namen. Kaya namen tu nga buwaten i Templo ngaytu it AMPUꞌANG DIYUS it bangsa namen nga Israel. Kami ngaytuy piyakarguꞌan it buwaten ngaytu, uyun kat urdin it amen it adiꞌ it Persia nga si Ciro.”

Esdras 5:2

Ta, it atkayti, siyarunga na ni Zorobabel nga anak ni Sealtiel baw si Jesua nga anak ni Josadac i buwaten ngayti nga baꞌguun i Templo it Ampuꞌang Diyus duꞌun it Jerusalem. Mintras magbuwat sira, pagpaksegen i nakem nirang muꞌsa it duwa ngayting prupitaꞌ nga si Ageo baw si Zacarias.

Ageo 1:1

Kat ikadwa na ngayti nga taꞌun it pagꞌadiꞌ ni Dario, iyan uꞌnang aldaw it ikaꞌnem nga bulan, miyabut i ampang it AMPUꞌANG DIYUS duꞌun it prupitaꞌ nga si Ageo. Piyapaꞌaduꞌun ya it anak ni Sealtiel nga si Zorobabel, nga gubirnadur it Juda, baw duꞌun gasiꞌ it anak ni Josadac nga si Josue, nga Piyakamataꞌas nga Sasirduti.

Zacarias 4:9

“Si Zorobabel i nagpapuꞌun it patindeg it Templo ngaytu baw talagang ipabaraꞌ ku nga makapaꞌman ya naga. Sikayan matanyag nga aku nga AMPUꞌANG DIYUS nga landaw nga gunaan i nagtaꞌeg it imu nga sumugid it mga itu ngaytu.”