Esdras 1:3 - Tagbanwa

³ Aypaꞌ ka in siyu-siyu nga mga taawan it Ampuꞌang Diyus ngaytu, sana ildawan ya kamu, ka pagpaꞌintulutan ku na kamu nga muliꞌ na duꞌun it Jerusalem nga sakep it Juda, ka ayusun mi naga i Templo nga papagsambaan mi nga balay it AMPUꞌANG DIYUS ngaytu it bangsa mi nga Israel, kanya nga kamatuudan nga Ampuꞌan.

Esdras 1:3 Iomraidhean Croise

1 Mga Adiꞌ 18:39

Pagkalteg it kadakel ngayti, namagkeleb sira baw namagpanggagaꞌuy nga magꞌaat, “AMPUꞌANG DIYUS talaga i Diyus! AMPUꞌANG DIYUS lamang talagay Diyus!”

Esdras 1:4

Baw in siyu-siyu it mga taawan ya i patuduꞌ situ ka magkayli nat kanya-kanyang pagtataꞌidan, kaꞌilangan nga tumabang sira it mga kabanwa nira ngaytu nga muliꞌ. Begayan nira sira it mga pirak, bulawan, baw in unu pay beken nga pagkaꞌilanganen nga subung it mga ayep, puyra it buluntad nga tabang nira kat ikaꞌayus it Templo ngayti duꞌun it Jerusalem nga papagsambaan mi nga balay it Ampuꞌang Diyus mi.”

Esdras 4:3

Temed katubag it kanira si Zorobabel, si Jesua, baw mga ginuꞌu ngayti it mga kuyunan, “Ayaw kamut pasilabet it amen ngaytu nga magpatindeg it balay it Ampuꞌang Diyus namen. Kaya namen tu nga buwaten i Templo ngaytu it AMPUꞌANG DIYUS it bangsa namen nga Israel. Kami ngaytuy piyakarguꞌan it buwaten ngaytu, uyun kat urdin it amen it adiꞌ it Persia nga si Ciro.”

Esdras 5:13

Temed iyan si Ciro nay adiꞌ it Babilonia, iyan uꞌnang taꞌun it pagꞌadiꞌ ya, nagpapanaw kanya it esang urdin nga mapakay nga buwaten namen naga i Templo ngaytu nga papagsambaan nameng balay it Ampuꞌang Diyus.’

Esdras 5:3

Ta, kat iting timpu, miyabut duꞌun it Jerusalem si Tatnai, nga kanyay gubirnadur it muꞌsang rugar kat sedpan nga ayun it kadanuman it Eufrates. Iba ya si Setar-boznai baw may beken paꞌ. Pagkalteg nira it Templo nga pagbuwaten, miningkut. Maat nira, “Siyuy miyurdin it imyu nga buwaten mi i Templo ngaytu baw pagayenen?”

Esdras 6:7

Pataꞌnan mi lamang i gubirnadur it mga Judio baw mga magpamaalaꞌ it pabwat ngayan isaꞌun makapatindeg siꞌ kat pagtitindegan ya nga lagi i Templo ngayan nga papagsambaang balay it Ampuꞌang Diyus.

Daniel 2:47

Maat ya it ki Daniel, “Nasiguru ku na nga Ampuꞌang Diyus mu, mataꞌas paꞌ kanya it muꞌsang mga beken nga pagsambaen it taw. Kanyay Ampuꞌan it muꞌsang mga adiꞌ. Kanya i magpalbaw it mga patagu-taguꞌ nga kaꞌulugan. Nasiguru kuytu sabap it nakapaꞌyag muy kaꞌulugan it tiyagaynep ku ngaytu.”

Daniel 6:26

Kayti, ipagꞌurdin ku it muꞌsang pagsasakpan ku nga galangen mi it may iꞌlam i Ampuꞌang Diyus nga pagsirbiyan ni Daniel. Sabap kanya i Ampuꞌang Diyus nga Egen, nga egay kaskedan it kaꞌgenan ya. Baw kanya nga kaꞌadiꞌan, egay karanggaꞌan ya. Talagang maneꞌteꞌ seked it kaꞌnu-kaꞌnu i pamegbeg ya.

Mateo 28:20

Baw itulduꞌ it kanira nga sunudun i muꞌsa nga ipiyagꞌurdin ku it imyu. Baw dedemdemen mi nga iba mi aku nga pirmi seked it umur nat banwa.”

Mga Binwat 10:36

Ipiyaꞌrut it Ampuꞌang Diyus it amen nga mga tungtung-inapuꞌ ni Israel i Magayeng Baritaꞌ nga magkagayen siꞌ i taw baw Ampuꞌang Diyus, sabap it binwat ni Jesu-Cristo kat kamataynen ya. Ta, si Jesu-Cristo ngaytu, kanyay Ampuꞌan it muꞌsang taw.

Josue 1:9

Kaꞌilangan dedemdemen mu nga pirmi i kumpur ipiyagsasar ku ngaytut imu nga daꞌka gugumir-gumiren, magpakalalaki kang banar. Daꞌka magmaiꞌlam baw ayaw kat alang-alang, ka aku nga AMPUꞌANG DIYUS mu i magtatarima it imu maski ari aduꞌunan mu.”