Esdras 1:1 - Tagbanwa

¹ Iyan uꞌnang taꞌun it pagꞌadiꞌ duꞌun it Babilonia ni Ciro nga adiꞌ it Persia, piyanakman kanya it AMPUꞌANG DIYUS it ipapanaw ya nga urdin kat muꞌsang sinakepan ya. Nagꞌabut tu isaꞌun matuman i inampang it AMPUꞌANG DIYUS it tagnaꞌ nga ipiyasugid ya it prupitaꞌ nga si Jeremias. Egay beken, ipiyasurat it adiꞌ ngayti i ipapanaw ya nga urdin ya nga magꞌaat,

Esdras 1:1 Iomraidhean Croise

Esdras 1:5

Ta, it atkayti, namagꞌitsu na i mga ginuꞌu kat mga kuyunang mga tungtung-inapuꞌ ni Juda baw ki Benjamin. Namagꞌitsu gasiꞌ i mga sasirduti, mga Levita, baw muꞌsa nga piyayaꞌngan it Ampuꞌang Diyus i nakem nga muliꞌ duꞌun it Jerusalem ka tumabang it ipatindeg siꞌ ngayti nga papagsambaan nira nga balay it AMPUꞌANG DIYUS.

Esdras 4:3

Temed katubag it kanira si Zorobabel, si Jesua, baw mga ginuꞌu ngayti it mga kuyunan, “Ayaw kamut pasilabet it amen ngaytu nga magpatindeg it balay it Ampuꞌang Diyus namen. Kaya namen tu nga buwaten i Templo ngaytu it AMPUꞌANG DIYUS it bangsa namen nga Israel. Kami ngaytuy piyakarguꞌan it buwaten ngaytu, uyun kat urdin it amen it adiꞌ it Persia nga si Ciro.”

Esdras 6:14

Egay beken, ipiyasigi it mga ginuꞌu it mga Judio i buwat ngayti it Templo. Baw talagang nanggayen i buwat ka pirming pagpaksegen i nakem nira it pangadal it duwa ngayting prupitaꞌ nga si Ageo baw si Zacarias nga apuꞌ ni Iddo. Aypaꞌ naꞌman niray Templo ngayti uyun kat inaat it Ampuꞌang Diyus, baw uyun kat mga ipiyagꞌurdin it mga adiꞌ ngayti it Persia nga magsasakep it Babilonia nga si Ciro, si Dario, baw si Artajerjes.

Esdras 6:3

“Kat uꞌnang taꞌun nga pagꞌadiꞌ it adiꞌ nga si Ciro, nagbuwat kanya it esang urdin pasar it papagsambaang balay it Ampuꞌang Diyus nga duꞌun it Jerusalem. Magꞌaat i ipiyagꞌurdin ya, ‘Kaꞌilangan nga ipatindeg sit sumaꞌup i Templo, isaꞌun duꞌun naga i pagbuwatan baw pagꞌantengan it pasalamat baw panalisi nga ipagꞌangut it kapasinsiyaan. Iyan i kadibwat ya, enem nga pulung parasikwan, atkayan naga i kalayaw ya.

Esdras 7:27

Pagkatanggap ku it surat ngayti, kaꞌampang aku, “Bantugun i AMPUꞌANG DIYUS it mga kagiyaringanan tami, sabap it piyanakman ya i adiꞌ ngaytu nga pagayenen i balay nga papagsambaang balay it AMPUꞌANG DIYUS duꞌun it Jerusalem.

Isaias 45:1

“Aku ngaytu nga AMPUꞌANG DIYUS, ituy ipagsugid ku it adiꞌ nga si Ciro nga piniliꞌ baw ipatindeg ku nga muwat it ipiyabetang-betang ku. Si Ciro ngaytu, begayan ku kanya it kakayaan nga mandaꞌeg it mga kababangsaan nga rumpakan ya. Awaꞌan kut keseg i mga adiꞌ duꞌun it mga rugar nga kulungun ya isaꞌun abriyen nira i mga puwirtaꞌan it kanirang siyudad. Talagang egay siyudad nga kulungun ya nga daꞌga maꞌabriyan i puwirtaꞌan.

Jeremias 1:1

Ituy ampang nga ipiyasurat it AMPUꞌANG DIYUS it ki Jeremias, nga anak ni Hilcias nga taga Anatot nga duꞌun it rugar nga ipiyasubli it kuyunang mga tungtung-inapuꞌ ni Benjamin. Si Jeremias ngayti, kat duguꞌ it mga sasirduti.

Jeremias 29:10

Magꞌaat gasiꞌ it AMPUꞌANG DIYUS, “Magtaꞌlib i pitung puluꞌ nga taꞌun nga kaꞌlay mi it dadakepen duꞌun it Babilonia, ipalteg ku naga i ildaw ku it imyu. Tumanen ku naga i ipagsanggup ku ngaytut imyu nga paꞌuliꞌen ku naga kamu situt banwa mi ngaytu.

Daniel 2:1

Ta, kat ikadwang taꞌun it pagꞌadiꞌ ni Nabucodonosor duꞌun it Babilonia, kaꞌsa nanagaynep kanya. Talagang nalibegan nga banar it pikir ya nga ega na ikiyaꞌigaꞌ ya.

Daniel 6:25

Sunud siꞌ nga binwat it adiꞌ, may ipiyasurat ya nga ilingkep yat muꞌsang mga banwa nga pagsasakpan ya. Magꞌaat i ipiyasurat ya, “Kamu nga muꞌsa nga mga sinakepan ku, nga maski unung bangsa u ampang, sana manggayen nga banar baw maꞌimbeng i pangaꞌgenan mi.

Daniel 9:2

aku nga si Daniel, may natantuwan ku pasar it Jerusalem. Nasepsepan ku duꞌun it ampang it AMPUꞌANG DIYUS, nga ipiyasurat ya it prupitaꞌ nga si Jeremias, nga pitung puluꞌ nga taꞌun i ipiyabetang-betang nga kaꞌlay it ega paꞌ maꞌayus i karanggaꞌan it siyudad it Jerusalem ngayti.

Juan 1:23

Pagtubag siꞌ ni Juan ngayti, may siyangpit ya nga isiyugid it esang prupitaꞌ it tagnaꞌ nga si Isaias, nga magꞌaat, “Aku ngaytu, kaꞌalimbawaan ku, esang gaꞌmaran nga magkagnegan duꞌun it rugar nga kapupuyangtan, nga magꞌaat i pagꞌaaten, ‘Gayen-gayenen mi i dalan nga panawan it Ampuꞌan.’”