Daniel 9:4 - Tagbanwa

⁴ Kat panalangin ku duꞌun it kanya ngaytu, inamin kuy mga kasalaꞌan namen nga mga taawan ya. Maat ku, “Ampuꞌang Diyus nga magbebegbeg it muꞌsa, ikaw i landaw nga gunaan, nga dapat namen nga galangen it may iꞌlam. Pagtumanen mu i mga sanggup mu kat mga matuud nga magmaꞌal it imu baw kamatuudan nga magsunud it mga urdin mu.

Daniel 9:4 Iomraidhean Croise

Nehemias 1:5

Bawnga nanalangin aku nga magꞌaat, “AMPUꞌANG DIYUS duꞌun it langit nga magbebegbeg it muꞌsa, ikaw i subrang gunaan nga dapat namen nga galangen it may iꞌlam. Talagang maꞌildaw ka nga pagtumanen mu i mga sanggup mu kat mga matuud nga magmaꞌal it imu baw kamatuudan nga magsunud it mga urdin mu.

Exodo 20:6

Temed seked it maski rinibu nga tungtung-inapuꞌ, ildawan ku sira nga magkayli it aken baw sumunud it mga urdin ku.

Daniel 6:10

Maski naꞌrutan ni Daniel nga may pinirmaꞌan it adiꞌ nga atkayti nga urdin, ipiyasigi ya naga i adat yat kaꞌlay. Miyuliꞌ kanya duꞌun it balay ya baw miyapyat duꞌun it esang seled nga duꞌun it dibwat. Bawnga limningkuꞌud kanya duꞌut patuꞌ it esang abri nga lalawagan nga ayun duꞌun it giyaringan ya nga banwa nga Jerusalem, ka nanalangin baw nagpasalamat duꞌun it Ampuꞌang Diyus. Binwat yay atkayti it tulung bisis it sang aldaw, subung nagat kaꞌlay ngayti nga buwat ya.

Daniel 9:3

Ta, it magꞌaꞌabut nay seked it iting timpu, aypaꞌ ka nanalangin aku duꞌun it Ampuꞌang Diyus. Nangabang aku duꞌun it kanya it may pagpuwasa baw magpapakay it maꞌerep baw inabuwan kuy pati bilug ku.

Lucas 1:72

Isiyanggup ya nga sanguꞌan ya i mga kagiyaringanan tami baw dedemdemen ya nga pirmi i ega basta-bastang pakiꞌupakat yat kanira.

Roma 8:28

Talagang magkaꞌrutan tami nga, muꞌsang mga bagay nga magkalabayan it mga may pagmaꞌal nga matuud it Ampuꞌang Diyus, pagpabaraꞌen ya nga kat ikagayen nira, sira nga ipiyapinpin ya uyun kat pabetang-betang ya.

Santiago 1:12

Magkasagya talaga i taw nga magpaneꞌteꞌ nga matuud kat pamayaꞌ ya it Ampuꞌang Diyus, maski pagꞌabutun kanya it mga kakuriꞌan nga sukda-sukdan it pamayaꞌ ya ngaytu. Ka basta temeꞌteꞌ, siguradu yan nga tanggapen ya i tumbas nga kaꞌgenan nga egay kaskedan, ka iyan i isiyanggup it Ampuꞌang Diyus kat muꞌsang may pagmaꞌal it kanya.

Santiago 2:5

Ka panawun it pikir mi, mga pagmaꞌalen ku nga sulsug kat pamayaꞌ. Daꞌga ba piniliꞌ it Ampuꞌang Diyus i mga makukuriꞌ situt sinirungat langit, nga siray magmanggaden kat pamayaꞌ baw makaꞌuyut duꞌun it kaꞌadiꞌan nga isiyanggup ya it muꞌsang kamatuudan i pagmaꞌal it kanya?