Daniel 9:3 - Tagbanwa

³ Ta, it magꞌaꞌabut nay seked it iting timpu, aypaꞌ ka nanalangin aku duꞌun it Ampuꞌang Diyus. Nangabang aku duꞌun it kanya it may pagpuwasa baw magpapakay it maꞌerep baw inabuwan kuy pati bilug ku.

Daniel 9:3 Iomraidhean Croise

2 Samuel 12:16

Binwat ni David, nagpasanguꞌ-sanguꞌ duꞌun it Ampuꞌang Diyus nga pagayenen i waꞌwaꞌ ngayti nga magsarut. Nagpuwasa kanya baw delem-delem maglinag i bubuntul ya duꞌut kadaꞌtagan it magparadak na lamang.

Nehemias 9:1

Iyan ikaduwang puluꞌ baw epat na nga aldaw it iti naga nga bulan, namagtingped siꞌ i mga Israelita. Kat iti nga aldaw nagpuwasa sira, nagpakay it maꞌerep, baw inanuꞌan niray ulu nira it kapu-kapu, nga katandaꞌ it may dakulang magkasmekan.

Daniel 6:10

Maski naꞌrutan ni Daniel nga may pinirmaꞌan it adiꞌ nga atkayti nga urdin, ipiyasigi ya naga i adat yat kaꞌlay. Miyuliꞌ kanya duꞌun it balay ya baw miyapyat duꞌun it esang seled nga duꞌun it dibwat. Bawnga limningkuꞌud kanya duꞌut patuꞌ it esang abri nga lalawagan nga ayun duꞌun it giyaringan ya nga banwa nga Jerusalem, ka nanalangin baw nagpasalamat duꞌun it Ampuꞌang Diyus. Binwat yay atkayti it tulung bisis it sang aldaw, subung nagat kaꞌlay ngayti nga buwat ya.

Daniel 9:2

aku nga si Daniel, may natantuwan ku pasar it Jerusalem. Nasepsepan ku duꞌun it ampang it AMPUꞌANG DIYUS, nga ipiyasurat ya it prupitaꞌ nga si Jeremias, nga pitung puluꞌ nga taꞌun i ipiyabetang-betang nga kaꞌlay it ega paꞌ maꞌayus i karanggaꞌan it siyudad it Jerusalem ngayti.

Daniel 9:4

Kat panalangin ku duꞌun it kanya ngaytu, inamin kuy mga kasalaꞌan namen nga mga taawan ya. Maat ku, “Ampuꞌang Diyus nga magbebegbeg it muꞌsa, ikaw i landaw nga gunaan, nga dapat namen nga galangen it may iꞌlam. Pagtumanen mu i mga sanggup mu kat mga matuud nga magmaꞌal it imu baw kamatuudan nga magsunud it mga urdin mu.

Joel 2:12

“Temed kayti na ngaytu,” maat it AMPUꞌANG DIYUS, “paꞌuliꞌan mi na aku baw magsinguliꞌ kamu it kamatuudan nga pagsinguliꞌ nga uyut i pagpuwasa, baw sumgaw kamu nga magkasmek kamu.”

Mateo 17:21

Temed atkayan nga kalasit maraꞌe-raꞌet, ega yan maꞌimugaw in daꞌga magpaꞌres kamut panalangin baw pagpuwasa.”

Lucas 2:37

Ta, kat iting timpu, walung puluꞌ may epat na nga taꞌun i idad it balu ngayti. Yanay pirmi ya duꞌun it Templo, ka delem-aldaw magsamba kanya, magpuwasa baw magpanalangin duꞌun it Ampuꞌang Diyus.

Mga Binwat 10:30

Egay beken, itiyuturan na ni Cornelio. Maat ya, “Ipiyapisiꞌ ta ikaw ka, nakaꞌpat na kayti, iyan magpanalangin aku situt balay, it nakabaling alaid nay aldaw, sakaling miyabut situt aken i esang lalaki. Magsinggat i muꞌsang pakayan ya.