Daniel 9:2 - Tagbanwa

² aku nga si Daniel, may natantuwan ku pasar it Jerusalem. Nasepsepan ku duꞌun it ampang it AMPUꞌANG DIYUS, nga ipiyasurat ya it prupitaꞌ nga si Jeremias, nga pitung puluꞌ nga taꞌun i ipiyabetang-betang nga kaꞌlay it ega paꞌ maꞌayus i karanggaꞌan it siyudad it Jerusalem ngayti.

Daniel 9:2 Iomraidhean Croise

2 Cronica 36:21

Ta, kat mga itu ngaytu, natuman i ipiyagꞌaat it AMPUꞌANG DIYUS nga ipiyasugid ya it prupitaꞌ nga si Jeremias. Aypaꞌ nakapaꞌna i lugtaꞌ, nga nakalabay it mga taꞌun it kapaꞌnaan ya. Ka seledan it pitung puluꞌ nga taꞌun, nga pira manang kataawan i duꞌun nga naꞌped, bilang bulun na nga taꞌun it kapaꞌnaan it lugtaꞌ.

Esdras 1:1

Iyan uꞌnang taꞌun it pagꞌadiꞌ duꞌun it Babilonia ni Ciro nga adiꞌ it Persia, piyanakman kanya it AMPUꞌANG DIYUS it ipapanaw ya nga urdin kat muꞌsang sinakepan ya. Nagꞌabut tu isaꞌun matuman i inampang it AMPUꞌANG DIYUS it tagnaꞌ nga ipiyasugid ya it prupitaꞌ nga si Jeremias. Egay beken, ipiyasurat it adiꞌ ngayti i ipapanaw ya nga urdin ya nga magꞌaat,

Jeremias 1:1

Ituy ampang nga ipiyasurat it AMPUꞌANG DIYUS it ki Jeremias, nga anak ni Hilcias nga taga Anatot nga duꞌun it rugar nga ipiyasubli it kuyunang mga tungtung-inapuꞌ ni Benjamin. Si Jeremias ngayti, kat duguꞌ it mga sasirduti.

Jeremias 29:10

Magꞌaat gasiꞌ it AMPUꞌANG DIYUS, “Magtaꞌlib i pitung puluꞌ nga taꞌun nga kaꞌlay mi it dadakepen duꞌun it Babilonia, ipalteg ku naga i ildaw ku it imyu. Tumanen ku naga i ipagsanggup ku ngaytut imyu nga paꞌuliꞌen ku naga kamu situt banwa mi ngaytu.

Mga Panganin-anin 1:1

Talagang daꞌnay magtiꞌaw-tiꞌaw kat siyudad ngaytu nga mataawun it tagnaꞌ. Eeꞌ baꞌ, siyudad ngaytu nga pagbantu-bantugun it muꞌsang bangsa, temed kayti atnat balu. Talagang katꞌesa, atnat babay nga pagdaya-dayawun nga adiꞌ i siyudad ngaytu, temed kayti pangunguripnen na.

Daniel 9:3

Ta, it magꞌaꞌabut nay seked it iting timpu, aypaꞌ ka nanalangin aku duꞌun it Ampuꞌang Diyus. Nangabang aku duꞌun it kanya it may pagpuwasa baw magpapakay it maꞌerep baw inabuwan kuy pati bilug ku.

Mateo 24:15

Maltegan mi yan duꞌun it ega basta-bastang rugar i talagang maraꞌway kat panleteg it Ampuꞌang Diyus nga pagtibabaꞌ it kanya, nga pagpaꞌiguꞌan it isiyugid it prupitaꞌ nga si Daniel. Sepsepen tu it magbasa kaytu!

Marcos 13:14

May maltegan mi yan nga talagang maraꞌway kat panleteg it Ampuꞌang Diyus, nga magtitindeg naytu duꞌun it ega dapat tindegan ya, nga duꞌun it Templo. (Sepsepen tu it magbasa kaytu!) Ta, in magꞌaꞌabut naytu, iyan mga taga Judea, kaꞌilangan nga malagyu duꞌun it kabubukidan.

Mga Binwat 8:34

Pagkasakay ni Felipe, maat it katimbang ngaytit adiꞌ, “Sana, in mapakay it imu, ipaꞌyag mut aken in siyuy pagpaꞌiguꞌan kaytu it prupitaꞌ ngaytu. Unu, sadili yang bilug u kat beken?”

1 Timoteo 4:13

Bawnga mintras daꞌku paꞌ miyabut, yay magayen nga pagsarungaen mu nga pirmi, pagbasaen muy mga kasuratan nga ampang it Ampuꞌang Diyus asat kadaklan baw siging ipagpangadal mu.

Mga Ipiyalteg 1:3

Aypaꞌ dedemdemen mi tu! Magkasagyay in siyu nga magbasa duꞌun it katingpedan it mga magpamayaꞌ it kasuratan ngaytung ampang nga garing duꞌut Ampuꞌang Diyus. Baw magkasagya gasiꞌ i iyan magpagneg basta pagsunudun yay kumpur pagꞌaaten. Sabap adeꞌdeng lamang i timpu nga magꞌabut i mga itu ngaytu.