Daniel 5:4 - Tagbanwa

⁴ Buwat nirat mamagꞌinum ngaytit irimnun, magbantug sira gasiꞌ it mga pagbete-beteꞌen nira nga diyus nga bulawan, pirak, tumbaga, basiꞌ, kayu baw batu i binwat.

Daniel 5:4 Iomraidhean Croise

Isaias 42:8

Aku lamang nga AMPUꞌANG DIYUS i kamatuudan nga Ampuꞌan it muꞌsa. Ega ipalugut ku nga agawun it beken i kabantugan ku, u sambaen it maski siyu i mga pagbete-beteꞌen nga diyus.

Daniel 1:8

Temed talagang pagpipikiren na ni Daniel nga maski sukdan, ega sumukdan it pangaꞌen ngayti nga pangaꞌen it adiꞌ baw pagꞌimnun ya ngayti, ka ega ireg ya nga rumaꞌway kanya kat panleteg it Ampuꞌang Diyus. Aypaꞌ ka inupakat ya si Aspenaz nga ega na iti i ipakaꞌen it kanira.

Daniel 4:37

Aypaꞌ ka aku nga si Nabucodonosor, magbantug baw magbegay it galang baw magpamatuud it kataꞌasan it Adiꞌ nga duꞌun it langit. Sabap muꞌsa nga buwat ya, purus tamaꞌ baw mataldeng. Baw talagang magkabwat ya nga ipagpababaꞌ i mga mapiyataꞌas-taꞌas.”

Daniel 5:23

In daꞌga, nagpataꞌas-taꞌas ka ga, nga magpasaꞌli nat Ampuꞌang Diyus. Ka binwat mu, ipiyapisiꞌ mu i mga iꞌimnan nga garing duꞌun it balay nga papagsambaan it kanya, ka giyamit mi na nga imnan mit irimnun, sang kamuwan it mga matataꞌas nga taawan mu, mga asawa mu, baw mga uripen mu nga inasa-asawa mu lamang. Puyra pat itu ngaytu, nagbantug ka paꞌ it mga pagbete-beteꞌen nga diyus nga bulawan, pirak, tumbaga, basiꞌ, kayu baw batu i binwat. Mga itu ngaytu, ega naga mamagkalteg. Ega gasiꞌ mamagkagneg u mamagkaꞌrut. Temed iyan Ampuꞌang Diyus ngaytu nga magseskel it ginawa mu baw magbebegbeg it muꞌsang kaꞌgenan mu, talagang daꞌka magbantug it kanya.

Daniel 5:3

Pagkapisiꞌ it mga bulawan baw pirak ngayti nga iꞌimnan nga narangpas duꞌun it Templo ngayti it Ampuꞌang Diyus nga duꞌun it Jerusalem, duꞌun nay piyaꞌabutan it pagkaraꞌnenan ngayti, ka pagꞌimnan nat kadakel ngayti duꞌun.

Daniel 5:5

Sakaliꞌ nga may esang alima nga magsurat duꞌun it maputiꞌ nga dingding it balay ngaytit adiꞌ, nga duꞌun manggid it patuꞌ it titidawan. Talagang naltegan it adiꞌ ngayti i alima ngayti nga magsurat, lamang egay bibilug.

Mga Binwat 17:29

Ta, it kita, subuk ipiyanganak it Ampuꞌang Diyus, dapat nga ega pikiren ta nga subung kanya lamang it tiyaw-taw nga bulawan u pirak nga binwat u batu nga piyarparan. Ka mga ladawan ngaytu, uyun lamang kat kakayaan baw kiyaꞌrutat taw.